पोखरा। थ्रिस्टार आहा रारा गोल्डकपको फाइनल प्रवेश गरेको छ । बुधबार पहिलो सेमिफाइनलमा जावलाखेललाई १–० गोलअन्तरले हराउँदै उपाधि नजिक पुगेको हो ।

६६ औं मिनेटसम्म गोलरहित बराबरी खेलकोमा प्रशिक्षक विक्रम लामाले आदित्य शाक्यको स्थानमा दीपेश घलेलाई मैदान छिराए । त्यसको १२ मिनेटमै घलेले गोलको खडेरी तोड्दै सुन्दर गोल गरी टिमलाई फेरि उपाधि नजिक पु¥याउन मद्दत गरे । थ्रिस्टार आहारारामा यसअघि ५ पटकसम्म उपाधि चुमेको टिम हो ।

क्लबका पूर्व कप्तानसमेत रहेका लामा यसपालि प्रशिक्षक भूमिकामा छन् । उनले प्रतिस्पर्धात्मक खेलमा गोलका केही अवसर खेर गएको प्रतिक्रिया दिए । पोस्ट म्याच कन्फरेन्समा उनले फाइनलमा आर्मी वा चर्च ब्वाइज युनाइटेड जुन आए पनि खेल प्रतिस्पधात्मक हुने बताउँछन् ।

विभागीय त्रिभुवन क्लब र चर्च ब्वाइज युनाइटेड क्लबको विजेताले थ्रिस्टारसँग शनिबार फाइनल खेल्नेछ । दोस्रो सेमिफाइनल बिहीबार हुनेछ । विजेताले १२ लाख र उपविजेताले ६ लाख पुरस्कार प्राप्त गर्ने छन् ।