पोखरा । पोखराको चिसाखोलास्थित मेथलाङमा बुधबार बिहान जीप दुर्घटना हुँदा चालकको निधन भएको छ । दुर्घटनामा १ महिला घाइते भएको जिल्ला प्रहरी कार्यालय कास्कीले जनाएको छ ।

दुर्घटनामा जीप चालक पोखरा १८ ग्यारजातीका ४९ वर्षे कृष्णबहादुर थापाको मणिपाल अस्पतालमा उपचारका क्रममा सवा १० बजेतिर निधन भएको हो । जीपमा सवार सोही ठाउँका ६९ वर्षे हिमकला थापा र ७० वर्षे चन्द्रकला थापा ढाडमा चोट रहेको उपचार भइरहेको छ ।

बिहान सवा बजेतिर दूध बोकेर मेथलाङबाट पोखरा बजार झर्दै गरेको ग३च २६०३ नम्बरको बोलेरोजीप नियन्त्रण गुमाई सडकको दाँया तर्फ करिब २० मिटर तल ख खसेको प्रहरीले जनाएको छ । घटनालगत्तै वडा प्रहरी कार्यालय बगरबाट १३ जनाको टोली खटी उद्धार गरिएको थियो ।