पोखरा । होमस्टे आन्तरिक पर्यटकले भरिभराउ हुने गरेका छन् । सहरको कोलाहाल र व्यस्त जीवनबाट मुुक्त ग्रामीण परिवेशमा आनन्द लिन होमस्टेमा जानेहरूको संख्या बढेको हो । होमस्टेमा आउने आन्तरिक वा बाह्य पर्यटकलाई स्थानीय उत्पादनका परिकार खुवाउन र ग्रामीण परिवेश कायम राख्न सके रोजगारीसँगै आर्जन राम्रो हुनसक्नेमा जोड दिइएको छ । प्रेस क्लब गण्डकीले वार्षिक साधारणसभाको अवसरमा ‘आन्तरिक पर्यटन प्रवद्र्धनमा होमस्टे र सञ्चारकर्मीको भूमिका’ विषयक अन्तक्र्रियाका वक्ताले सो कुरामा जोड दिएका हुन् । उनीहरूले स्थानीय उत्पादन, मौलिक कला र संस्कृति पस्कन सके आन्तरिक तथा बाह्य पर्यटक आकर्षण गर्न सकिने विचार व्यक्त गरे ।
होमस्टेहरू विशेष गरी शुक्रबार, शनिबार र बिदाका दिनमा होमस्टेमा आउनेहरूको संख्या बढेको पोखरा १६ मा रहेको रिंन्जे नासा होमस्टेका अध्यक्ष एवं सञ्चालक शमशेरबहादुर गुुरुङ बताउँछन् । उनले होमस्टेले रोजगारी र आयआर्जन दुवै हुने भएकाले व्यवस्थित रुपमा सञ्चालन गर्दा रोजगारीका लागि विदेशमा भौतारिनुु नपर्ने बताए ।
कार्यक्रममा प्रतिनिधि सभा सदस्य दामोदर पौडेल बैरागीले होमस्टेमा गरिएको स्वागत र गाउँको विशेषताबारे दिइएको जानकारीबाट प्रभावित भएको बताए । पुराना संस्कार, संस्कृति र भाषा लोप हुने अवस्थामा पुगेकोले तिनको संरक्षणका लागि सबै जुट्नुपर्नेमा उनले जोड दिए । पश्चिमा संस्कृतिको हस्तक्षेपका कारण नेपालीपन हराउँदै गएकोतर्फ सजग हुनुपर्ने उल्लेख गरे ।
नेपाल पत्रकार महासंघका केन्द्रीय सदस्य एवं प्रेस क्लब गण्डकीका सल्लाहकार सरिता तिमिल्सिना पंगेनीले होमस्टेले पर्यटन प्रवद्र्धनमा निकै महत्वपूर्ण भूमिका खेलेको बताउँदै प्रचारप्रसारका लागि पत्रकारहरूले सहयोग गर्ने बताइन् ।
पत्रकार महासंघ गण्डकी प्रदेशका महासचिव गोविन्द सुवेदीले ग्रामीण परिवेश, त्यहाँको रहनसन, कला र संस्कृति बुुझाउन होमस्टे महत्वपूर्ण माध्यम बनेको बताउँदै स्थानीयले आर्थिक रुपमा समेत फाइदा दिनसक्ने बताए ।
पत्रकार महासंघ कास्कीका सचिव माधव बरालले पत्रकारिताका माध्यमबाट ओझेलमा परेका तर सम्भावना बोकेका गाँउहरूको प्रचारमा भूमिका खेल्ने बताए । प्रेस चौतारीका केन्द्रीय महासचिव एवं क्लबका सल्लाहाकार सुुष्मा पौडेलले पछिल्लो समय होमस्टेहरू आन्तरिक पर्यटकको रोजाइमा पर्ने गरेको बताउदै स्थानीय उत्पादन र मौलिक संस्कृतिले आर्थिक विकासमा टेवा पुुग्ने विश्वास व्यक्त गरिन् ।
पोखरा १६ का वडासदस्य रामचन्द्र आचार्यले ग्रामीण क्षेत्रको विकासका लागि संघ, प्रदेश र स्थानीय सरकारबीच समन्वय सहकार्य गरेर आगडि बढनुपर्नेमा जोड दिए । प्रेस क्लब गण्डकीका अध्यक्ष एकराज गिरीको अध्यक्षतामा भएको कार्यक्रममा उपाध्यक्ष राजाराम पौडेल र सचिव गौरव त्रिपाठीले बोलेका थिए ।
Related News
सम्बन्धित समाचार
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
ढोरपाटन सिकार आरक्ष आसपासमा तीस घरबास सञ्चालन गरिने
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१