पोखरा । पोखरा २४ को कास्कीकोटमा स्कुल बसले किचेर ३ वर्षे बालकको निधन भएको छ ।

शुक्रबार दिउँसो पौने ३ बजेतिर कास्कीकोटको काउलेस्थित ग१क ४०८२ नम्बरको बाल प्रतिभा बोर्डिङ स्कुलको बसले किचेर सोही विद्यालयमा नर्सरी कक्षामा पढ्ने ३ वर्षे समीर कार्कीको निधन भएको हो ।

बसबाट झरेर घरतिर जाँदै गरेका समीरलाई सोही बसले ठक्कर दिएको हो ।

समीरलाई घाइते अवस्थामा मेट्रोसिटी अस्पताल ल्याइएकामा १६ बजेतिर डाक्टरले मृत घोषणा गरेको हो । घटनाका बारेमा प्रहरीले अनुसन्धान थालेको छ ।