पोखरा। पार्किङमा रहेको जिप चोरी गरेको अभियोगमा कास्की प्रहरीले एक युवकलाई पक्राउ गरेको छ । पक्राउ पर्नेमा पोखरा १४, खाल्टेमसिनाका २० वर्षीय गोविन्द परियार हुन् ।

पोखरा १०, अमरसिंह स्कुलको खेल मैदानमा पार्किङमा रहेको ग२च २३४३ नम्बरको बलरो जिप बुधबार बिहान साढे १ बजे एक्कासि हराएपछि खोजी सुरु भयो । अन्ततः उक्त जिप उनै गोविन्द परियारले चलाइरहेको अवस्थामा वडा प्रहरी कार्यालय रामबजारको टोलीले फेला पारेको हो ।

प्रहरीले उनलाई चोरी तथा डाँका सम्बन्धी मुद्दामा जिल्ला अदालतबाट ६ दिनको म्याद थप अनुमतिलाई अनुसन्धान थालेको जनाएको छ ।
अघिल्लो महिना पनि पोखराको बसपार्कबाट एक किशोरले पार्किङ गरिराखेको बस कुँदाएर चितवन पुगेको अवस्थामा पक्राउ परेका थिए ।