पोखरा । दाङबाट काठमाडौं जाँदै गरेको यात्रुबाहक बस शुक्रबार राति भालुवाङमा दुर्घटना भएको छ ।

दाङ देउखुरीको राप्ती गाउँपालिका १, भालुबाङस्थित राप्ती पुलबाट भे १ ख ३९१२ नम्बरको बस नदीमा खसेको हो । दुर्घटनामा कम्तीमा ५ जनाको मृत्यु भएको प्रहरीले जनाएको छ । उनीहरुको घटनास्थलमै मृत्यु भएको इलाका प्रहरी कार्यालय भालुबाङका प्रमुख उज्जवल सिंहले बताए ।

हालसम्म २५ जनाको उद्धार गरिसकेको र उनीहरुलाई लमही र राप्ति विज्ञान प्रतिष्ठानमा पठाइएको छ । बस शुक्रबार राति साढे १० बजे दुर्घटनामा परेको हो ।