पोखरा । कर्माचार्य गु्रपका अध्यक्ष एवं उद्योगपति चन्द्रकृष्ण कर्माचार्यलाई पत्नीशोक परेको छ । उनकी पत्नी सुन्दरी कर्माचार्यको ७० वर्षको उमेरमा भारतको मेदान्त अस्पतालमा निधन भएको हो । कुमारी नेपाली कांग्रेस कास्कीका कोषाध्यक्ष एवं उद्योगपति माइकल कर्माचार्यकी आमा हुन् ।

लामो समयदेखि मृगौला रोगबाट ग्रसित सुन्दरीको हृदयघातका कारण मृत्यु भएको हो ।

सुन्दरीका पति चन्द्रकृष्ण, छोरा माइकल र छोरीहरु रेखा र नितु कर्माचार्य छन् । सुन्दरीको शव बिहीबार नेपाल ल्याएर शुक्रबार बिहान रामघाटमा अन्त्येष्टि गरिने भएको छ ।

नेपाली कांग्रेस कास्कीले बिहीबार विज्ञप्ति निकालेर कोषाध्यक्ष माइकल कर्माचार्यलाई मातृशोक परेकोमा दुख व्यक्त गरेको छ ।