पोखरा । नेवारी भाषामा य को अर्थ मन परेको र मरीको अर्थ रोटी हुन्छ । यःमरी अर्थात् मन परेको रोटी नेवारी समुदायबाट लोप हुने खतरामा छ । नयाँ पुस्ताले यो रोटी केहीले बाहेक अरुले बनाउन जान्दैनन् । त्यसैले पुस्तान्तरण र अन्य समुदायलाई जानकारी दिन पोखरा महानगरपालिका ४ को आयोजनामा पोखरामा यःमरी साँस्कृतिक महोत्सव तथा प्रतियोगिता भएको छ ।
यःमरी पुन्ही अर्थात् यमरी पूर्णिमाको अवसरमा सोमबार पोखराको गणेश टोलको सडकमा यःमरी महोत्सव एवं यःमरी बनाउने प्रतियोगिता भएको हो । नेवाः मिसा पुचः कास्कीको समन्वयमा भएको महोत्सवको पोखरा महानगरका प्रमुख धनराज आचार्यले उद्घाटन गरे । उनले महोत्सवको उद्घाटन गर्दै पोखरा ४ नम्बर वडाले प्रस्ताव ल्याए उक्त महोत्सवलाई हरेक वर्ष गर्न महानगर तयार रहेको बताए । सबै जातजाति, भाषा संस्कृतिको संरक्षण गर्ने पोखरा महानगरको नीति रहेको जानकारी थिए । प्रमुख आचार्यले पोखराको उक्त क्षेत्र पोखराको ऐतिहासिक महŒवको क्षेत्र र बजार प्रारम्भ भएको क्षेत्र रहेकाले यसको संरक्षणका लागि महानगरले विशेष योजना बनाएको समेत बताए । भेइकल फ्रि क्षेत्र बनाउँदै उक्त क्षेत्रलाई ऐतिहासिक सम्पदा क्षेत्रको रुपमा विकास गर्ने उनको भनाइ छ । त्यसका लागि काम भइरहेको उनले बताए ।
कार्यक्रममा महानगरका प्रवक्ता मोतीराज तिमिल्सिना, नेवाःखल कास्कीका अध्यक्ष अशोक पालिखे, वडा नम्बर २ का अध्यक्ष दिवशमान प्रधानांग, वडा नम्बर ३ का अध्यक्ष प्रकाशमान उदास, वडा नम्बर ५ का अध्यक्ष विष्णु बराल, नेवाःमिसा पुचः कास्कीका अध्यक्ष संगीता बज्राचार्य, कांग्रेस पोखरा ४ का सभापति गोविन्द पराजुली, रामकृष्ण टोल नेवाःमिसा पुचः का अध्यक्ष भवानी माकाजु लगायतले नेवारी समुदायको प्रचलित परिकार यःमरी जोगाउनुपर्नेमा जोड दिए ।
पोखरा ४ का अध्यक्ष देवकृष्ण पराजुलीले आफ्नो वडाले कला र संस्कृतिको संरक्षणका लागि महŒवपूर्ण कार्य गरेको बताए । उनले विकास भनेको भौतिक पूर्वाधार मात्र निर्माण गर्नु नभएर कला र संस्कृतिको संरक्षण पनि रहेको बताए ।
महोत्सव उद्घाटनअघि झाँकीसहितको ¥याली निकालिएको थियो । पोखरा ४ को कार्यालयबाट सुरु ¥याली पालिखेचोक, महेन्द्रपुल, चिप्लेढुंगा, सिद्धार्थचोक, रामकृष्ण टोलहुँदै गणेशटोलमा पुगेर उद्घाटन समारोहमा परिणत भएको थियो ।
¥यालीमा सहभागीमध्ये प्रथम भएको नमुना महिला समूहले ७ हजार, द्वितीय बनेको सर्वेश्वर परोपकार नारी समूहले ५ हजार र तृतीय भएको सिर्जनशील महिला समूहले ३ हजार रुपैयाँ पुरस्कार पाएका थिए ।
त्यस्तै, यःमरी प्रतियोगितामा कर्माचार्य मिसा पुच प्रथम हुँदै १० हजार रुपैयाँ पुरस्कार प्राप्त ग¥यो । द्वितीय जिरो मालेपाटन पस्र्याङ मिसा पुच, तृतीय बगर मिसा पुच र सान्त्वना शिशुवा मिसा पुच हुँदै क्रमशः ७ हजार, ५ हजार र ३ हजारसहित प्रमाणपत्र प्राप्त गरे ।
महोत्सवमा यःमरी बनाउने प्रतियोगितासहित यःमरी बनाएको लाइभ डेमोस्ट्रेसन भएको नेवाः मिसा पुचः कास्कीकी अध्यक्ष संगीता बज्राचार्यले बताइन् । महोत्सवमा यःमरीको प्रदर्शनी तथा बिक्रीसहित विभिन्न नेवारी परिकारको प्रदर्शनी तथा बिक्री गरिएको थियो । महोत्सवमा यःमरीसहित नेपाली पिज्जा, बारा, सेलरोटी, समयबजीलगायत परिकारहरूका स्टल राखिएका थिए । साथै, पोखरेली लक्ष्य ब्यान्डको सांगीतिक प्रस्तुतिसहित मौलिक लाखे नाच, कुमारी नाच लगायत अन्य सांस्कृतिक झाँकीहरू प्रस्तुत गरिएको थियो ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१