लेखनाथ । पोखरा–२९ भण्डारढिकमा टोलस्तरीय फुटबल प्रतियोगिता ‘वडास्तरीय खेलकुद कप २०८०’ शनिबारबाट सुरु भएको छ । पोखरा २९ द्वारा आयोजित प्रतियोगिताको एक समारोहबीच संघीय सांसद मनबहादुर गुरुङले उद्घाटन गरे ।

प्रतियोगिताको उद्घाटन गर्दै सांसद गुरुङले खेलकुदको माध्यमबाट देशको गरिमा अन्तर्राष्ट्रिय स्तरमा समेत उँचो भएको बताउँदै यसको विकासमा राज्यले ध्यान पु¥याउनुपर्ने बताए ।

कार्यक्रममा लेखनाथ उद्योग वाणिज्य संघका प्रथम उपाध्यक्ष उपेन्द्रराज सुवेदी ‘राजु’, नेपाल खेलकुद महासंघका केन्द्रीय सचिव विष्णु पुन, ङयोए तमु धिं लेखनाथका अध्यक्ष मेजर रामप्रसाद गुरुङ लगायतले शुभकामना व्यक्त गरे ।

प्रतियोगिताका मूल संयोजक एवं वडाध्यक्ष श्रीप्रसाद गुरुङले शिक्षा, स्वास्थ्य र खेलकुदलाई वडाले पहिलो प्राथमिकतामा राखेको र प्रतियोगिताको माध्यमबाट वडाभित्रको सशक्त टिम तयार गरी राष्ट्रियस्तरका खेलाडी उत्पादन गर्ने वडाको लक्ष्य रहेको बताए । प्रतियोगितामा टिम छनोट गर्दा जन्म दर्ता र टोल विकास संस्थाको सिफारिसका आधारमा १७ वर्ष मुनिकालाई मात्र समावेश गरिएको वडाध्यक्ष गुरुङले बताए ।

प्रतियोगिताअन्तर्गत आइतबार सम्पन्न पहिलो खेलमा सिद्ध टोल विकास संस्थाले नयाँ बस्ती टोल विकास संस्थालाई ४–२ को गोल अन्तरले पराजित गरेको छ भने दोस्रो खेलमा मिलिजुली टोल विकास संस्थाले जनप्रकाश टोल विकास संस्थालाई ४–२ को गोल अन्तरले पराजित ग¥यो ।

सोमबार पहिलो खेल नौबिसे ओख्लेडाँडा टोल विकास संस्था ‘बि’ र भण्डारढिक टोल विकास संस्थाबीच हुनेछ भने दोस्रो खेल नौबिसे ओख्लेडाँडा टोल विकास संस्था ‘सि’ र नमुना टोल विकास संस्था ‘बि’ बिच हुने वडा सदस्य एवं वडास्तरीय खेलकुद विकास समितका अध्यक्ष कालीदास पोख्रेलले जानकारी दिए ।

मंसिर ३० गतेसम्म सञ्चालन हुने प्रतियोगितामा कुल २० टिमको सहभागिता रहनेछ भने प्रतियोगितामा विजेताले ३० हजार, साथमा सिल्ड, मेडल र प्रमाणपत्र प्राप्त गर्नेछ भने उपविजेताले २० हजार, सिल्ड, मेडल र प्रमाणपत्र, तृतीय हुने टिमले नगद १५ हजार, सिल्ड, मेडल र प्रमाणपत्र र सान्त्वना हुने टिमले नगद १० हजार, सिल्ड, मेडल र प्रमाणपत्र प्राप्त गर्नेछ । सहभागी सम्पूर्ण टिमलाई नगद ५ हजार प्रदान गरिने छ भने प्रतियोगिताका उत्कृष्ट खेलाडी, उत्कृष्ट गोलरक्षक, उत्कृष्ट गोलकर्ता र अनुशासित टिमलाई समेत पुरस्कृत गरिनेछ ।