पोखरा । ड्राइभिङ स्कुल संघ नेपाल गण्डकी प्रदेश समितिको शनिबार प्रथम अधिवेशनले तुलबहादुर ठकुरी (कास्की) को अध्यक्षतामा नयाँकार्य समिति चयन गरेको छ ।

समितिको वरिष्ठ उपाध्यक्षमा प्रवीण सापकोटा (नवलपुर), उपाध्यक्ष नवराज तिवारी (तनहुँ), सचिव रामचन्द्र पौडेल (कास्की), सहसचिव भीमलाल खनाल (स्याङ्जा) छन् । सदस्यमा नवराज दवाडी, गोपाल अधिकारी, हेमराज महतो, मेघनाथ देवकोटा, मनध्वज राना, कमलादेवी गुरुङ, शुस्मिता थापा र गंगाराम शर्मा चापागार्इं निर्विरोध छन् ।

केन्द्रीय संस्थापक अध्यक्ष पुरुषोत्तम रेग्मीले कार्यक्रम उद्घाटन गर्दै संघले व्यवसायीको हकहितमा काम गर्दै आएको र सदस्यले पनि संघको नीतिनियममा रहेर व्यवसाय सञ्चालन गर्नुपर्ने बताए ।

कार्यक्रममा निर्वतमान केन्द्रीय अध्यक्ष मोहनबहादुर गुरुङ, वर्तमान महासचिव उमेश सिके, केन्द्रीय सदस्य विश्वकुमार माकाजु लगायतले शुभकामना मन्तव्य दिएका थिए ।

सभाले कोषाध्यक्ष नवराज तिवारीको आर्थिक प्रतिवेदन सर्वसम्मत पारित गरेको थियो ।

ड्राइभिङ स्कुल संघ नेपाल गण्डकी अध्यक्ष वसन्त भट्टचनको अध्यक्षतामा भएको कार्यक्रममा स्वागत वरिष्ठ उपाध्यक्ष तुलबहादुर ठकुरी र सञ्चालन सचिव वासु कोइरालाले गरेका थिए ।