लायन्स हेरिटेजको न्यानो कपडा

आदर्श समाज सम्वाददाता
मंसिर २३, २०८०
lions heritage

पोखरा, २३ मंसिर । लायन्स क्लब अफ पोखरा हेरिटेजको आयोजनामा मानव सेवा आश्रममा सहयोग गरिएको छ । पोखरा २५, हेमजा बाबियातरास्थित आश्रमका आश्रित १ सय १० जनालाई न्यानो कपडा सहयोग गरिएको छ।

क्लब अध्यक्ष श्याम गुरुङका अनुसार शनिबार आश्रममै पुगेर त्यहाँका १ सय १० जनालाई जाडोमा लगाउने ट्राउजर र हाइनेक सहयोग गरिएको हो।

लायन्स क्लब ३२५ आईका डिष्ट्रिक्ट को–अर्डिनेटर ऋषि गिरीको प्रमुख आतिथ्यमा भएको कार्यक्रममा डिष्ट्रिक्ट को–अर्डिनेटर सुरेन्द्रमानसिंह भण्डारी, लायन्सका रिजन चियरपर्सन मणिप्रसाद डुम्रे, संस्थापक अध्यक्ष सोभित पौडेल, पूर्व अध्यक्ष ओम उपाध्याय, पूर्व अध्यक्ष श्यामहरि तिवारी, क्लबका द्वितीय उपाध्यक्ष हरि केसी, कोषाध्यक्ष चिन्तामणि खरेल लगायतको उपस्थिति थियो ।

क्लब अध्यक्ष श्याम गुरुङको अध्यक्षतामा भएको कार्यक्रमको सञ्चालन सचिव डेनिश गुरुङले गरेका थिए ।

सन् २०१६ मा स्थापित क्लबमा हाल १९ सदस्य छन् ।

Related News

सम्बन्धित समाचार

hero news full width