माधव नेपालले दिए छानबिनको चुनौती

आदर्श समाज सम्वाददाता
मंसिर २३, २०८०
408701404_1067673504647217_9141884753295059139_n

पोखरा । नेकपा (एकीकृत समाजवादी) अध्यक्ष माधवकुमार नेपालले बालुवाटार निवास प्रकरणमा आफू संलग्न रहेको भए छानबिन गर्न चुनौती दिएका छन् ।

पोखरामा शनिबार आयोजित पत्रकार सम्मेलनमा उनले भने, ‘कोही माइकेलालले भनोस्, माधव नेपालले भ्रष्टाचार ग¥यो भनेर ।’

आफू झण्डै २ वर्ष प्रधानमन्त्री भएको स्मरण गर्दै उनले त्यसबेला प्रधानमन्त्री निवास विस्तारको योजना नै सुनाए । उनले अनाहकमा आफूलाई देखाएर भ्रष्टाचारको विषयलाई कमजोर नपार्न आग्रह समेत गरे ।

उनले आफ्नो पार्टी जनहितविपरीतका सबै क्रियाकलापको विरुद्धमा रहेको दाबी गर्दै उनले विद्यमान बेथिति र विसंगति अन्त्यका लागि सरकारलाई पटक पटक ध्यानकर्षण गराइएको बताए । देशको आर्थिक अवस्था सुधारका लागि ठोस कदम चाल्न आवश्यक रहेको भन्दै उनले समयमै मुलुकको अराजकता अन्त्यमा हुनुपर्ने बताए । उनले राजावादीहरुको पछिल्लो क्रियाकलापको पनि आलोचना गरे । उनले भने, ‘जनताका छोराछोरी राष्ट्रपति हुँदा देखिसहेका छैनन् ।’ उद्योग खोलेर जनतालाई रोजगारी दिन पूर्वराजालाई उनको सुझाव थियो ।

Related News

सम्बन्धित समाचार

hero news full width