पोखरा । पृथ्वी बहुउद्देश्यीय सहकारी संस्था लि. को १० औं वार्षिक साधारणसभा सम्पन्न भएको छ ।

कार्यक्रमको उद्घाटन गर्दै राष्ट्रिय सहकारी बैंक लि.का गण्डकी प्रदेश प्रमुख नरेश पाण्डेले अहिले सहकारीमा देखिएको समस्या र भ्रमको पछि नलागी आफ्नो संस्थाका गतिविधि नजिकैबाट नियाल्नुपर्नेमा जोड दिए । संस्थाको सुशासन र व्यवस्थापन पक्ष बलियो बनाएर संस्था सफल हुने र लेखा समितिको नियमित चेकजाँच तथा अनुगमन आवश्यक हुने उनको भनाइ थियो ।

संस्थाका अध्यक्ष किरणप्रसाद बञ्जाराले कास्कीकै उत्कृष्ट सहकारी बनाउने प्रतिबद्धता व्यक्त गरे । उनले सहकारीको वार्षिक प्रतिवेदन पेस गर्दै भावी कार्यक्रम सार्वजनिक गरे ।

सो अवसरमा मुनाल बचत तथा ऋण सहकारी संस्थाका अध्यक्ष मगनलाल श्रेष्ठ, संस्थाका संस्थापक अध्यक्ष ओमबहादुर कार्कीले शुभकामना मन्तव्य व्यक्त गरेका थिए ।

संस्थाका अध्यक्ष किरणप्रसाद बञ्जाराको अध्यक्षतामा भएको कार्यक्रममा स्वागत उपाध्यक्ष कृष्णकुमार मुल्मी र सञ्चालन समिति सदस्य रश्मी अधिकारी भण्डारी र सचिव मेघबहादुर शाहीले गरेका थिए ।

सहकारीका सात सिद्धान्त वाचन सञ्चालक समिति सदस्य अमृता थापाले गरेकी थिइन् ।

संस्थाका प्रमुख कार्यकारी अधिकृत मोहनप्रसाद अधिकारीले संस्थाको वार्षिक कार्यक्रम र गतिविधि समेटिएको वृत्तचित्र प्रस्तुत गरे ।

यस्तै, संस्थाले पृथ्वी प्रतिभा पुरस्कारबाट सेयर सदस्य अर्चना बञ्जारालाई पुरस्कृत गरेको छ । महिला उद्यमशीलतर्फ सेयर सदस्य विक लक्ष्मी श्रेष्ठ सम्मानित भए ।

उत्कृष्ट कारोबार गर्ने सदस्यतर्फ दुर्गाबहादुर गुरुङ र उत्कृष्ट बचतकर्तामा सुकुना गुरुङ, ज्ञानेश्वरराज श्रेष्ठ, ज्योति अधिकारी, इन्द्रबहादुर गुरुङ, गंगासागर श्रेष्ठ र प्रकाश अधिकारीलाई सम्मान गरिएको शिक्षा उपसमिति संयोजक रामकुमार लामिछानेले बताए ।

वर्ष उत्कृष्ट कर्मचारीमा सहप्रबन्धक डोलकुमार कार्कीलाई सम्मानित हुँदा संस्थामा हितमा योगदान पु¥याएकामा कार्यसमिति सदस्य अरविन्द तुलाचनलाई सम्मानसहित बिदाइ गरियो । संस्थाले तुलाचनको स्थानमा महेन्द्रराज पौडेललाई र अनुगमन सदस्यमा गंगासागर श्रेष्ठलाई चुनेको संस्थाका प्रमुख कार्यकारी अधिकृत मोहनप्रसाद अधिकारीले बताए ।

२०६९ सालमा पोखराको पृथ्वीचोकमा स्थापना भएको सहकारीमा हाल २ हजार ६ सय ७४ सदस्य छन् ।