‘लोकतन्त्रविरोधी आन्दोलनको भविष्य छैन’

आदर्श समाज सम्वाददाता
मंसिर १८, २०८०
shanti samaj

पोखरा । लोकतन्त्रविरोधी आन्दोलनको भविष्य नभएको शनिबार पोखरामा आयोजित एक कार्यक्रमका वक्ताले जोड दिए ।

७५ औं अन्तर्राष्ट्रिय मानव अधिकार दिवसको अवसरमा मानवअधिकार तथा शान्ति समाज कास्की आयोजनामा भएको ‘लोकतन्त्रको प्राणः सुशासन र सद्भाव’ विषयक नागरिक संवादका वक्ताले सो कुरामा जोड दिएका हुन् ।

मानवअधिकार तथा शान्ति समाजका संस्थापक सभापति कृष्ण पहारीले लोकतन्त्रविरोधी आन्दोलनको भविष्य नभएको दाबी गर्दै नागरिकले ल्याएको लोकतन्त्र नागरिकले नै बचाउने उल्लेख गरे । उनले चेतना सहितको आलोचना गर्ने मानिसको खाँचो रहेको सुनाउँदै मानवअधिकार तथा शान्ति समाज सामाजिक न्यायको आन्दोलनमा दृढ रहेको स्पष्ट पारे ।

संस्थापक सभापति पहारीले अभिव्यक्ति स्वतन्त्रताभित्र घृणात्मक अभिव्यक्ति रोक लगाइएको स्पष्ट पार्दै छाडा हिसावले बोल्ने छुट कसैलाई नभएको जनाए । वर्तमान सरकारले संक्रमणकालीन न्याय टुंगाएर मात्रै जनयुद्ध दिवसमा सार्वजनिक बिदा दिनुपर्नेमा बिदा घोषणामा हतारो गरेको उनको टिप्पणी छ ।

अवधारणापत्र प्रस्तुत गर्दै केन्द्रीय सभापति रामकृष्ण बरालले लोकतन्त्रको रक्षाका लागि सुशासनको प्रत्याभूति र सद्भाव प्रवद्र्धन आजको आवश्यकता भएको बताए । उनले त्यसका लागि भद्र नागरिक हस्तक्षेपरुपमा सामूहिक अभियानको खाँचो औंल्याए । जिल्ला जिल्लामा नागरिक संकल्प गरी सामूहिक अभियान थालनी गर्न मानवअधिकार, लोकतन्त्र र अहिंसाका पक्षधरहरुसँग उनले आह्वान पनि गरे ।

अवधारणपत्रमा राप्रपा सहितको संलग्नतामा राजनीतिक मोर्चा निर्माण गरी लोकतन्त्रविरोधी आन्दोलन चर्काउने अभ्यास भइरहेकोप्रति सचेत गराइएको छ ।

अवधारणापत्रमाथि समाजका कास्की अध्यक्ष रामकृष्ण ढुंगाना, मानव मिलन संस्थाका अध्यक्ष गुप्तप्रसाद शर्मा, समाजका सल्लाहकार अमृत सुवर्णकार, महिला मानवअधिकार रक्षक सञ्जाल कास्की अध्यक्ष केशु भुजेल, नेकपा माओवादी केन्द्रका शिवजी लामिछाने, समाजका शुक्रराज लामिछाने, राष्ट्रिय मानवअधिकार आयोग गण्डकी प्रदेशका मोहन काफ्ले, पत्रकार श्यामनाथ कुँवर, एकीकृत समाजवादीका सोमबहादुर नेपाली लगायतले धारणा राखे ।

उनीहरुले सरकारी कार्यालयमा सुशासन नहुदाँ सेवा लिन ग्राह्रो भएको, मानवअधिकार तथा शान्ति समाज पनि कतिपय अवस्थामा स्वतन्त्र हुन नसकेको, जनप्रतिनिधिले आफ्नो पार्टीको मात्रै सेवा गर्ने गरेको, संक्रमणकालीन न्याय गिँजोलिँदा समस्या भइरहेकोतर्फ सचेत गराउँदै यथाशीघ्र समाधानमा ध्यान दिन आग्रह गरे ।

संवादले सुशासन र सद्भावका लागि नागरिकको शान्तिपूर्ण हस्तक्षेप अनिवार्य भएको ठहर गर्दै भ्रष्टाचारको उन्मूलन र लोकतन्त्रको रक्षामा सामूहिक पहल गर्ने संकल्प पनि गरेको छ ।

नागरिक समाजले शनिबार कास्कीबाट सुरु संवाद देशैभर पु¥याउने भनिएको छ ।

शान्ति समाज कास्की सभापति तीर्थराज न्यौपानेको अध्यक्षतामा भएको कार्यक्रमको सञ्चालन सचिव सावित्री शर्माले गरेकी थिइन् ।

Related News

सम्बन्धित समाचार

  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…

hero news full width