पोखरा । ताओ एसोसिएसन नेपालद्वारा पोखरा–१, मानसडकस्थित ताओ मन्दिरमा शनिबार धर्मसभा भयो ।

गण्डकी प्रदेशका २२ ताओ सेन्टरका १ सय ५० प्रतिनिधिले भाग लिएको सो सभामा ताओ मन्दिरको थप निर्माणका लागि विभिन्न समूह र महानुभावबाट दान प्रदान भएको छ ।

त्यस अवसरमा पोखरा लेखनाथस्थित सैनिकवस्तीको नवज्योति आमा समूहले ३ लाख ३ सय १६ रुपैयाँ दान गरेको थियो ।

सभामा प्रमुख ताओ गुरु छेएन रनले दानको महिमाबारे प्रकाश पार्दै एक पैसा दानको पनि ठुलो महत्व हुने बताए ।

मलेसियन गुरु सन्ध्याले आफ्नो लागिमात्र नभै अरुको लागि पनि केही गर्नु श्रेयष्कर कार्य भएको उल्लेख गरिन् । लामा मीन गुरुले मानिसको नैतिक आचरणबारे बताउँदै असल काम गर्दामात्र शान्ति मिल्ने विचार व्यक्त गरे ।