पोखरा । गण्डकी बोर्डिङ लामाचौर, पोखरामा शनिबार दाँत र मुख स्वास्थ्य परीक्षण सम्पन्न भएको छ । शिविरमा ३ सय जनाभन्दा बढी आवासीय विद्यार्थीको दाँत र मुख स्वास्थ्य परीक्षण गरिएको कार्यक्रम संयोजक छात्राबास निरीक्षक राजकुमार ढकालले बताए।

विद्यालयको छात्राबास व्यवस्थापन र हेल्थ एन्ड सेनिटेसन क्लब गण्डकीको आयोजनामा भएको शिविरको संयोजन छात्राबास निरीक्षक राजकुमार ढकालले गरेका थिए।

डाइनामिक डेन्टल क्लिनिक पोखराका डा. ध्रुवचन्द्र पौडेलको नेतृत्वमा ५ जना दन्त चिकित्सकले परीक्षण गरेका हुन्।

सो अवसरमा डा. ध्रुवचन्द्र पौडेलले दाँत र मुख स्वस्थ कसरी राख्ने विषयमा आफ्नो धारणा राखे।

शिविर सफल पार्न स्वास्थ्य संस्था प्रमुख सूर्य ओझा, शिक्षक रवि सुनार र होस्टेल प्यारेन्टस्, स्वयंसेवक कक्षा ११ र १२ विद्यार्थीले सहयोग गरेका थिए।