काठमाडौं । चलचित्र ‘परदेशी २’ ले प्रदर्शनको ५१ औं दिन पार गरेको छ । शनिबार राजधानीमा ५१ औं दिनको सेलिब्रेसन भयो।

नारायण रायमाझी निर्देशित यो फिल्म २६ असोजदेखि अलनेपाल रिलिज भएको हो । फिल्ममा प्रकाश सपूत, केकी अधिकारी र वर्षा शिवाकोटी लगायतको मुख्य भूमिका छ।

दर्शकको अपार मायाका साथ चलचित्रले प्रदर्शनको लामो यात्रा तय गरेको हो । काठमाडौंसँगै देशका विभिन्न सहरका हलमा यो फिल्मले ५१ औं दिन पार गरेको निर्माण पक्षले जनाएको छ।

रमेश बिजीले लेखेको फिल्ममा युवाको विदेश मोह, त्यसले परिवार र समाजमा पारेको प्रभावको कथा पस्किएको छ।