पोखरा । पोखरा–२, अर्चलबोटस्थित सनफ्लावर बोर्डिङ स्कुलमा वार्षिक खेलकुद प्रतियोगिता भएको छ ।

१३ मंसिरदेखि सुरु तीनदिने प्रतियोगितामा अन्तरसदनात्मक खेलकुद प्रतियोगिता भयो ।

विद्यालय संस्थापक निर्देशक दीपक शाहले विद्यार्थीको मार्चपास सलामी ग्रहण गर्दै विद्यार्थीको आन्तरिक गहना अनुशासन भएको हुँदा सबै जना अनुशासित हुनुपर्ने बताए ।

विद्यालयका प्राचार्य एएम गुरुङको अध्यक्षतामा भएको कार्यक्रममा नर्सरीदेखि कक्षा १० सम्म सञ्चालित प्रतियोगिता विविध चरण र समूहमा सम्पन्न गरिएको थियो । प्रतियोगितामा म्युजिकल चियर, ब्यालेन्स रेस, म्याथ दौडस्किपिङ, रस्साकसी, दौड, तातो आलुबेलुन फुटाउने प्रतियोगिता, टेबलटेनिस, ब्याडमिन्टन, कपर्दी, चेस, छेलो हान्ने, फुटबल, भलिबल लगायत समावेश भए ।

सभापति विद्यालयका प्रिन्सिपल एएम गुरुङले सबै विद्यार्थीहरुलाई खुला तरिकाबाट खेलकुद प्रतियोगितामा सहभागी बन्न सुझाव दिए ।

सहायक प्रिन्सिपल दिलीप देवकोटाले अनुशासित र संयमित भएर खेलकुद प्रतियोगितामा सहभागी बन्न आग्रह गरे । खेलकुद संयोजक तथा प्रशिक्षक युवराज गुरुङ, सहसंयोजकद्वय झलकराज अधिकारी र कविन सापकोटाले कार्यक्रमको संयोजन गरेको थिए । कार्यक्रम सञ्चालन शिक्षक सुनिल सुवेदीले गरे ।