लेखनाथ महोत्सव तयारी तीव्र

आदर्श समाज सम्वाददाता
मंसिर १६, २०८०
Lekhnath Mahotsav lcc

लेखनाथ । लेखनाथ उद्योग वाणिज्य संघले १९ औं संस्करणको लेखनाथ महोत्सव तयारी तीव्र पारेको छ ।

पुस ५ देखि १६ सम्म चल्ने महोत्सव सम्पन्न गर्न ९ सदस्यीय निर्देशक समिति, ४१ उपसमिति र १ सय २० सदस्यीय कार्यसम्पादन समिति गठन गरी विभिन्न उपसमितिसँगको छलफललाई तीव्रता दिइएको छ ।

हालसम्म ७० प्रतिशत स्टल बुकिङ भएका छन् । महोत्सवमा रहने ३ सय ३४ वटा स्टलमध्ये शुक्रबारसम्म २ सय ४० वटा स्टल बुकिङ भएका छन् । महिला उद्यमी, कृषि तथा पशुपन्छी, सूचना तथा प्रविधि, महिला परिचालन, तालिम, संघसंस्था परिचालन उपसमितिसँग छलफल तथा अन्तक्र्रिया गरिएको र महोत्सव सफल बनाउने विषयमा आआफना तर्फबाट खटेर लाग्ने प्रतिबद्धता व्यक्त भएको महासचिव जानुका पराजुलीले बताइन् ।

महोत्सवमा राष्ट्रिय तथा अन्तर्राष्ट्रियस्तरका लघु, घरेलु, साना–ठूला औद्योगिक तथा व्यापारिक प्रतिष्ठानका वस्तु तथा सेवा, हस्तकला, यातायातका साधन, कृषि तथा पशुजन्य वस्तु, विद्यालयस्तरीय शैक्षिक एवं विज्ञान सामग्री, सूचना र सञ्चार प्रविधिमा भएका नयाँ आयामको जगेर्ना, नयाँ प्रतिभाको खोजी अभियान, सांस्कृतिक जगेर्ना कार्यक्रमलगायत कार्यक्रम समावेश गरिएको संघले जनाएको छ । यसबाट स्थानीय उत्पादनको बजारीकरण, नयाँ प्रविधि तथा सिपको हस्तान्तरण, साहित्य, कला र संस्कृतिको जगेर्ना तथा आन्तरिक एवं बाह्य पर्यटक प्रवद्र्धनमा टेवा पुग्ने संघका अध्यक्ष एवं महोत्सवका संयोजक विनोद श्रेष्ठले बताए ।

२०६१ सालदेखि नियमित सञ्चालन हुँदै आइरहेको महोत्सवले अर्थतन्त्र चलायमान बनाउँदै उत्पादक र उपभोक्तालाई एउटै थलोमा जमघट गरी यस क्षेत्रको आर्थिक गतिविधि बढाउने र आन्तरिक एंव बाह्य पर्यटकहरुलाई आकर्षण गरी आन्तरिक पर्यटनलाई सहयोग पुर्‍याउने प्रचारप्रसार समिति संयोजक उपेन्द्रराज सुवेदी ‘राजु’ ले बताए ।

Related News

सम्बन्धित समाचार

  • ढोडबेंसीको स्वादिलो खुदो

    आदर्श समाज सम्वाददाता फागुन १८, २०८०
    पोखरा । प्राचीन कालदेखि नै खुदोले चिनिएको क्षेत्र हो पोखरा–३२ स्थित मालेपाटन ढोडबेँसी । प्रत्येक वर्षको पुसे पन्ध्र होस् वा…
  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • घान्द्रुकमा वित्तीय साक्षरता

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिकाको घान्द्रुकमा वित्तीय साक्षरता सम्बन्धी अभिमुखीकरण कार्यक्रम भएको छ । त्यहाँ अन्नपूर्ण–२, नौडाँडा स्थित धौलागिरी लघुवित्त वित्तीय…
  • पोखरा १३ मा रोजगार मेला

    आदर्श समाज सम्वाददाता फागुन १६, २०८०
    पोखरा । पोखरा १३ मा शुक्रबार जब फेयर हुने भएको छ । पोखरा महानगरपालिका वडा नम्बर १३ कार्यालयको आयोजनामा उक्त…
  • ६ वर्षमा ३५ हजार साना उद्योग थपिए   

    आदर्श समाज सम्वाददाता फागुन १४, २०८०
    गण्डकी ।  पछिल्ला छ वर्षमा गण्डकी प्रदेशमा ३५ हजार सात सय १६ घरेलु तथा साना उद्योग थपिएका छन् । उद्योग,…

hero news full width