केपी ओली क्रिकेटमा मधेश प्रदेश च्याम्पियन

आदर्श समाज सम्वाददाता
मंसिर १५, २०८०
kp (1)

पोखरा । प्रथम केपी ओली कप टी–२० राष्ट्रिय क्रिकेट प्रतियोगिताको उपाधि मधेश प्रदेशले जितेको छ । पोखरा रंगशालाको क्रिकेट मैदानमा शुक्रबार फाइनलमा त्रिभुवन आर्मी क्लबलाई ११ रनले पराजित गर्दै मधेश च्याम्पियन बनेको हो ।

१३६ रनको विजयी लक्ष्य पाएको आर्मी पूरै २० ओभरमा ७ विकेट गुमाएर १२४ रनमात्र बनाउन सक्यो।

मधेशका लागि कप्तान हरिशंकर शाहले ४ विकेट लिए । उनले मात्र १९ रन खर्चेर ४ विकेट लिएका हुन् । प्रदीप पासवानले ४ ओभरमा २६ रन खर्चेर २ विकेट लिए भने पर्थिक यादवले १ विकेट लिए ।

मदन भण्डारी स्पोर्टस् एकेडेमी आयोजनामा भएको फाइनलमा टस जितेर मधेशले थालेको आक्रामक ब्याटिङमा ८ विकेट गुमाउँदै १३५ रन बनाएको थियो ।

मधेसका विशाल पटेल सर्वाधिक ४९ रन बनाउँदै अविजित रहेका थिए । आर्मीका साहव आलम र विवेक यादवले समान ३ विकेट लिए पनि हार टार्न सकेनन् ।

Related News

सम्बन्धित समाचार

hero news full width