पोखरा । पोखरा १७ छोरेपाटनस्थित शिशुकल्याण इङ्लिस स्कुलमा वार्षिक खेलकुद कार्यक्रम सञ्चालन गरेको छ । राष्ट्रिय योजना आयोगका पूर्व उपाध्यक्ष एवं नेपाल राष्ट्र बैंकका पूर्व गभर्नर दीपेन्द्रबहादुर क्षेत्रीले कार्यक्रम उद्घाटन गरे । ३५ औं वर्षको उपलक्ष्यमा आयोजित कार्यक्रमको सफलताको शुभकामना व्यक्त गर्दै विद्यालयले लामो समयदेखि गुणस्तरीय शिक्षा प्रदान गरेकामा विद्यालय परिवारप्रति आभार व्यक्त गरे ।

मंसिर १३–१५ सम्म सञ्चालन हुने कार्यक्रममा विभिन्न तहका ३५ प्रतियोगिता सञ्चालन हुने कार्यक्रम संयोजक किशोर सिंह मल्लले जानकारी दिए ।

विद्यालयका प्रधानाध्यापक ईश्वरीप्रसाद शर्माको अध्यक्षतामा भएको कार्यक्रममा सहप्रधानाध्यापक रीता गुरुङले समेत बोलेको कार्यक्रम सञ्चालक एवं विद्यालयका शिक्षक भरतराज पौडेलले जानकारी दिए ।