नेपालमा पहिलो पल्ट समलिंगी विवाह

आदर्श समाज सम्वाददाता
मंसिर १३, २०८०
bisexual

पोखरा । नेपालमा पहिलो पल्ट समलिंगी विवाह दर्ता भएको छ । बुधबार माया गुरुङ र सुरेन्द्र पाण्डेको विवाह लमजुङको दोर्दी गाउँपालिका वडा २ मा दर्ता भयो ।
गाउँपालिकाले विवाह दर्ता गरी जारी गरेको प्रमाणपत्रमा सर्वोच्च अदालतको अन्तरिम आदेश बमोजिम विवाह अस्थायी अभिलेख रहने गरी जारी गरिएको उल्लेख छ ।
प्रमाणपत्रमा सुरेन्द्र पाण्डे (दुलाहा) र रामबहादुर गुरुङ (दुलही) उल्लेख छ । दुलाहाको स्थायी ठेगाना कावासोती ८, नवलपरासी हो भने दुलहीको दोर्दी गाउँपालिका २, लमजुङ हो ।
उनीहरुले ६ वर्ष अगाडि पञ्चेबाजा बजाएर विवाह गरेका थिए । दुबैको परिवारले स्वीकारसमेत गरेको थियो । तर कानुनीरुपमा उनीहरु श्रीमान्–श्रीमती हुन सकेका थिएनन् ।
गत १३ असारमा सर्वोच्चबाट विवाह दर्ताको आदेशपछि उनीहरुले काठमाडौं जिल्ला अदालतमा विवाह दर्ता गर्ने प्रयास गरेकोमा अदालतले स्वीकार गरेन । अदालतले सर्वोच्चकै आदेश अस्वीकार गरे पनि स्थानीय निकायले सामलिंगी जोडीको विवाह दर्ता गरेको पहिलो हो ।

Related News

सम्बन्धित समाचार

hero news full width