पोखरा । नेपाली कांग्रेस कास्की जिल्ला सभापति किशोरदत्त बरालले आफैले मनोनीत गरेका जिल्ला सदस्य गंगाधर पराजुलीलाई पदमुक्त गरेका छन् ।

मंसिर १० गतेको मिति राखेर सार्वजनिक भएको पत्रमा २०७८ चैत ४ गते, नेपाली कांग्रेसको विधान २०१७ (संशोधन सहित) को परिच्छेद ३, धारा १२, उपधारा ५ ख २ वमोजिम नेपाली कांग्रेस जिल्लाा कार्यसमिति कास्कीको सदस्य पदमा गरिएको तपार्इंको मनोयनलाई नेपाली कांग्रेसको विधानको धारा ६१ अनुसार सभापतिमा अन्तरनिहित वैधानिक व्यवस्था अनुसार मिति २०८० मंसिर १० गतेबाट लागु हुने गरी जिम्मेवारी मुक्त गरिएको उल्लेख छ । उनले भनेका छन्, ‘नेपाली कांग्रेस जिल्ला कार्यसमिति कास्कीको मनोनीत सदस्यको रुपमा रहेर तपाईंले संगठनलाई पु¥याउनु भएको सहयोगका निम्ति हार्दिक धन्यवाद व्यक्त गर्दछु ।’

पराजुली विगत ४ महिनादेखि अमेरिका थिए । उनी नेपाल आउदैछन् ।

उता पराजुलीले भने सभापतिको कार्यशैली, अनि भाषण र सामाजिक सन्जालमा एउटा कुरा भन्ने तर ब्यबहारमा त्यो नगर्ने प्रवृत्ति साथै जिल्ला कार्य समितिको नियमित वा अन्य बैठक लामो समय देखि गर्न नसक्ने, महिला संघलाई बिवाद र विभाजनतर्फ लैजाने, नेविसंघको विवाद मिलाउन कुनै चासो नदिएको आरोप लगाएका छन् । उनले भने, पार्टी संगठन सुदृढ़ गर्ने कुरा भन्दा पनि व्यक्तिगत ईच्छा र चाहना अनुसार जिल्ला चलाउन खोजेपछि मैले ५/७ महिना अगाडि नै मलाई जिल्ला सदस्य बाट हटाएर अरु साथीहरुलाई राख्नु भनेको थिएं सार्वजनिक रुपमा तर यतिवेला मात्र मेरो भाईवरमा यो पत्र खुसुक्क पठाएको देखें ।

आफू नेपाल बाहिर गएपछि नियमित वा अन्य कुनै बैठक समेत हुन नसकेको पराजुलीले बताएका छन् । एक पटक ८ जना र एक पटक १५ जना मात्र उपस्थित भएर कोरम समेत नपुगेको भन्दै उनले। यस्तो अवस्था आउनुमा सभापति नै प्रमुख कारण रहेको बताएका छन् । आफूलाई जिल्ला सदस्य बाट मुक्त गरेकोमा कुनै दुख नलागेको पराजुलीको प्रतिक्रिया छ ।