कांग्रेसका युवा नेता लोकेन्द्र कोइरालाकाे हृदयघातका कारण निधन

आदर्श समाज सम्वाददाता
मंसिर १२, २०८०
lokendra koirala

पोखरा । नेपाली कांग्रेसका युवा नेता लोकेन्द्र कोइरालाको हृदयघातका कारण निधन भएको छ ।

पोखरा ४ निवासी ४८ वर्षीय कोइरालालाई एक्कासि हृदयघात भएपछि फिस्टेल हस्पिटल लगिएकोमा उपचारक्रममा मंगलबार बिहान सवा ८ बजे निधन भएको परिवारजनले जनाएको छ ।

कोइराला अधिवक्ता समेत हुन् । उच्च अदालत बार एसोसिएसनका सदस्य कोइरालाको निधनप्रति सचिव दुर्गेशराज पन्तले शोकविज्ञप्ति जारी गरेका छन् ।

यस्तै, नेपाली कांग्रेसका युवा नेता, कास्की क्षेत्र १ का सचिव सरोज केसीले कोइरालाको निधनप्रति दुख व्यक्त गर्दै कोइरालाले लोकतान्त्रिक आन्दोलनमा गरेको त्याग, समर्पण र भूमिका चिरस्मरणीय रहेको जनाएका छन् ।

कोइराला पोखराकी पत्रकार कञ्चन थापाकी जेठाजु नाताका हुन् । प्रेस चौतारीको केन्द्रीय कमिटी बैठकका लागि दार्चुला गएकी उनी अप्रिय घटनापछि पोखरा फर्किंदैछन् ।
कोइराला परिवारमा ३ छोरामध्ये लोकेन्द्र माहिला हुन् । उनका आमा, श्रीमती, १ छोरा र ४ दिदीबहिनी छन् ।

Related News

सम्बन्धित समाचार

hero news full width