पोखरा । गण्डकी विश्व विद्यालयले मुख्यमन्त्री सुरेन्द्रराज पाण्डेलाई बिहीबार वार्षिक प्रतिवेदन बुझाएको छ । कुलपति प्राडा गणेशमान गुरुङ, रजिस्ट्रार डा. कैलाश तिमिल्सिनासमेतको उपस्थितिमा न्यासिक परिषद अध्यक्ष प्राडा कैलाशनाथ प्याकुरेलले मुख्यमन्त्री पाण्डेलाई वार्षिक प्रतिवेदन हस्तान्तरण गरे ।
प्रतिवेदन ग्रहणपछि मुख्यमन्त्री पाण्डेले बजारको आवश्यकता अनुसार जनशक्ति उत्पादनमा विश्वविद्यालयले ध्यान दिनुपर्ने बताए । अध्यक्ष प्याकुरेलले विश्वविद्यालयमा सूचना प्रविधि, खेलकुद व्यवस्थापन, बि फर्मा, बिएएलएलबी र व्यवस्थापन विषयमा स्नातक तहमा कार्यक्रम सञ्चालित रहेको न्यासिक परिषद अध्यक्ष प्राडा कैलाशनाथ प्याकुरेलले जानकारी गराए । उनका अनुसार विश्वविद्यालयमा हाल विभिन्न ५२ जिल्लाका ४ सय ६० जना विद्यार्थी अध्ययनरत छन् । गत आवमा १६ जना शिक्षक र २१ कर्मचारी नियुक्त गरिएको छ । हाल विश्वविद्यालयमा २४ जना शिक्षक र ५० कर्मचारी स्थायीरुपमा कार्यरत छन् ।
नेपालमा उच्च शिक्षाको विकास, विस्तार र स्तरीकरणमा महत्वपूर्ण भूमिका निर्वाह गर्दै मूल्यमान्यता, संस्कार, संस्कृति र आदर्शको सम्वद्र्धन एवं विकासमा योगदान दिने सोच विश्वविद्यालयले राखेको कुलपति प्राडा गुरुङले बताए । उनका अनुसार हाल विश्वविद्यालयसँग ५ सय २६ रोपनी जमिन उपयोग गर्न पाउने गरी प्राप्त गरेको छ भने नेपाल सरकारबाट थप २ सय ४८ रोपनी जमिन लिने प्रयास रहेको छ ।
अन्वेषण र आविष्कार केन्द्रमा हालसम्म मुलुकका आवश्यकतामा लक्षित प्रविधियुक्त ८ वटा मेसिनहरू तथा केही बहुकार्यात्मक औजारहरू उत्पादन भएको रजिस्टार डा. तिमिल्सिनाले बताए । उनले भने, ‘जसलाई प्रयोग गरेर कृषि, स्वास्थ्य, सूचना प्रविधिजस्ता विषयसँग सम्बन्धित आधुनिक उपकरण तथा औजारहरू विकास गर्न सकिन्छ । प्राध्यापक र कर्मचारीहरूको प्रयासबाट विश्वविद्यालयलाई गुणस्तरीय नमुना विश्वविद्यालय बनाउने कामको सुरुआत भएको छ ।’
विगतका शैक्षिक तथा प्राज्ञिक अभ्यास र गण्डकी विश्वविद्यालय शिक्षण अस्पताल स्थापना गर्ने विषयलाई निरन्तरता दिँदै तयार गरिएको एमबिबिएस कोर्सको जानकारी प्रदेश सरकारमा दिने र गुणस्तरीय शिक्षाको विकास एवं प्रवद्र्धन गर्ने नीति विश्वविद्यालयले लिएको डा. तिमिल्सिनाले बताए ।
विश्वविद्यालयले आर्टिफिसियल इन्टेलिजेन्स र मौसम परिवर्तन विषयको पठनपाठन स्नातकोत्तर तहमा सुरु गर्ने योजना अगाडि बढिरहेको छ । साथै स्रोत व्यवस्थापन हुन सकेमा कृत्रिम बौद्धिकता र इन्जिनियरिङका कक्षाहरू यस वर्ष थप गर्ने उद्देश्य रहेको डा. तिमिल्सिनाको भनाइ छ ।
न्यासिक परिषद अध्यक्ष प्राडा प्याकुरेलले विश्वविद्यालयका उद्देश्य प्राप्त गर्न उपयुक्त विधि तथा प्रक्रियामार्फत मानवीय, भौतिक तथा आर्थिक स्रोतहरूको परिचालनको लागि निश्चित संगठन आवश्यक रहने बताए । नीति तथा कार्यक्रमहरू कार्यान्वयन, सार्वजनिक सेवा प्रवाह तथा संस्थाका उद्देश्य प्राप्तिका लागि निश्चित समय, स्थानमा सम्पर्कविन्दु स्थापित गर्न आवश्यक हुने हुँदा कार्यालय र आर्थिक, भौतिक र मानवीय स्रोतहरूको उचित संयोजन गर्न कार्यालय व्यवस्थापन गर्न असहज भइरहेको उनको भनाइ थियो ।
पोखराको मुस्ताङ चोकमा रहेको केन्द्रीय कार्यालयबाट नै सम्पूर्ण प्रशासनिक, अनुसन्धान र आविष्कार केन्द्रका कर्मचारी एवं प्राध्यापकहरू समेत रहेर समन्वयात्मक तवरले काम गर्न सक्ने वातावरण तयार भएको उनले बताए ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१