hdr
पोखरा । प्रदेश निजामती सेवा ऐन र नियमावली लागु भएपछि गण्डकीमा करारमा कर्मचारी भर्ना गर्ने बाटो बन्द भयो । सार्वजनिक खरिद प्रक्रियामा गएर केही मन्त्रालयले सेवा करारमा कर्मचारी भर्ना गरे । कतिपय पुरानै कर्मचारीले समेत निरन्तता पाए । भौतिक पूर्वाधार तथा यातायात र खानेपानी तथा ऊर्जा मन्त्रालयमा करारमा प्राविधिक राख्ने विषयमा सचिव र मन्त्रीबीच तालमेल मिलेन । प्राविधिक जनशक्तिकै अभावमा बजेट कार्यान्वयनमै समस्या देखिने भयो । सरकारले प्रदेश लोकसेवा आयोगलाई पत्र लेखेर सातौं तहको इन्जिनियर पदमा कर्मचारी सिफारिसका लागि अनुरोध गर्यो ।
प्रदेश लोकसेवाले वार्षिक क्यालेन्डरमा नै पहिलो प्राथमिकतामा राखी साउनमा सातौं तहको इन्जिनियरको २२ सिटका लागि दरखास्त आह्वान ग¥यो । दसैंअघि नै नतिजा प्रकाशन गर्ने गरी लोकसेवा अगाडि बढ्यो । कात्तिक १० गते लोकसेवाले इन्जिनियरिङको जनलरतर्फ १६ जनालाई सिफारिस ग¥यो । लोकसेवाले सिफारिस गरेको १५ दिनभित्र सरकारले उनीहरूलाई नियुक्तिपत्र दिनुपर्ने हो । तर मुख्यमन्त्री तथा मन्त्रिपरिषद्को कार्यालयले भने आलटाल गरिरहेको छ । लोकसेवाले बिल्डिङ एन्ड आर्किटेक्ट ४ र मेकानिकल इन्जिनियर २ पदमा मंसिर ४ गते सिफारिस गरेको छ । कार्यालयले सिफारिस भएका सबैलाई ८ गतेपछि सम्पर्क गर्ने भनेर पठाइदिएको छ ।
उता मन्त्रालयहरूले कर्मचारी अभाव खेपिरहेका बेला कर्मचारी व्यवस्थापनको जिम्मा पाएको मुख्यमन्त्री तथा मन्त्रिपरिषद्को कार्यालयको ढिलासुस्तीले प्रश्न उब्जाएको छ ।
मुख्यमन्त्री तथा मन्त्रिपरिषद्को कार्यालयका सचिव विनोद कुँवर लोकसेवाले सिफारिस गरेका इन्जिनियरलाई प्रक्रियागत समस्याका कारण सिफारिस गर्न नसकिएको बताए । बढुवाको सूचना अगावै लोकसेवाले प्रक्रिया थालेको र बढुवा भएका कर्मचारीले ३५ पछि मात्र नियुक्ति पाउने भएकाले अहिलेको अवस्था आएको उनको भनाइ थियो । सचिव कुँवरले भने, ‘छिटो भर्ना गर्नका लागि हामीले नै लोकसेवालाई पत्र लेखेरै आग्रह गरेको हो, बढुवाको सूचना निकाल्न र बढुवा समितिको बैठक बस्न विलम्ब भएकाले यो अवस्था आएको हो,’ उनले भने ।
बढुवा भएकाको ज्येष्ठता कायमका लागि नयाँ सिफारिस भएका इन्जिनियरको नियुक्तिमा आलटाल
खासमा खुला विज्ञापन अगावै बढुवाको काम सक्नुपर्ने हो । तर यहाँ त्यसो भएन, अर्थात् हतारमा खुला विज्ञापन नै भयो । प्रदेश सरकारका अधिकारी लोकसेवाले लिखित परीक्षाको नतिजा प्रकाशन गर्ने बेलामा मात्र तात्यो । त्यसो त लिखित परीक्षा रोक्नका लागि बढुवाको सम्भाव्य सूचीमा रहेका १४ जनाले लोकसेवालाई लिखित आग्रह नै गरेका थिए । त्यतिमात्र होइन प्रदेश सरकारका अधिकारीहरूले पनि पटकपटक लोकसेवाका अधिकारीलाई फोन गरेर नतिजा प्रकाशन गर्न रोकिदिन आग्रह गरेका थिए । सुरु भएको प्रक्रिया रोक्न नसकिने भन्दै लोक सेवाले प्रक्रिया अगाडि बढायो । सम्भाव्य सूचीका १४ जनाले प्रक्रिया रोक्न लोकसेवाविरुद्ध उच्च अदालतमा रिट पनि हाले । अदालतले काम नरोक्न आदेश दियो ।
नयाँ इन्जिनियरको नियुक्ति प्रक्रिया रोक्नुपर्नाको कारण ज्येष्ठता हो । नयाँ नियुक्ति भएकाभन्दा बढुवा भएकाहरू एक दिन भए पनि अघि नियुक्ति लिन चाहन्छन् । उनीहरूको चाहनालाई मुख्यमन्त्री तथा मन्त्रिपरिषद्को कार्यालयले पनि साथ दिएको छ । लोकसेवाबाट सिफारिस भएर १५ दिन कटिसक्दासमेत नियुक्ति नपाएका इन्जिनियरहरू अहिले उकुसमुकुसमा छन् । यसबारेमा सार्वजनिक रुपमा बोल्न र कानुनी प्रक्रियामा जान उनीहरू सकेका छैनन् । बढुवा भएर आएकाहरू समय र उमेरका हिसाबमा ज्येष्ठ छन् । तर शैक्षिक योग्यताका हकमा नयाँ सिफारिस भएकाहरू अगाडि छन् । नयाँ सिफासि भएका इन्जिनियर अब उनै बढुवा भएकाहरूको मातहतमा काम गर्न बाध्य हुनेछन् । यसको असर उनीहरूको वृत्ति विकासमा समेत पर्नेछ ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१