पोखरा । पाल्पाको मौलिक तथा कलात्मक उत्पादन बजारीकरण गर्न पोखराको न्युरोडमा खोलिएको पाल्पा हाउस (पाल्पाली कोसेलीघर) प्रालिको दोस्रो साधारण सभा भएको छ । सभाले अध्यक्ष कुलप्रसाद घिमिरेले प्रस्तुत गरेको सञ्चालक समितिको प्रतिवेदन तथा आगामी रणनीति र लेखाको जिम्मेवारी लिएका कम्पनी सञ्चालक नारायणप्रसाद पौडेलले पेस गरेको आयव्यय विवरण सुधारसहित पारित गरेको छ ।
कार्यक्रमको उद्घाटन गर्दै पाल्पाली बहुउद्देश्यीय सहकारी संस्थाका अध्यक्ष एवं पाल्पाली समाज पोखराका पूर्व अध्यक्ष चिरञ्जीवी श्रेष्ठले संस्थाले नाफा कमाउने मात्र नभएर सामूहिक र संस्थागत रुपमा सामाजिक काम गरेको बताए ।
कम्पनी अध्यक्ष घिमिरेले पाल्पासँग जोडिएको भए तापनि सबैको साझा व्यावसायिक संस्था भएको बताए । उनले पाल्पाली चिनारी ढाका, करुवा, हस्तकला लगायत कृषिजन्य उत्पादन एकै थलोबाट बिक्री वितरण गर्ने योजना सुनाए ।
पाल्पाली समाज पोखराका अध्यक्ष बालचन्द्र परियारले समाजको अलावा पाल्पा हाउस, पाल्पाली बहुउद्देश्यीय सहकारी र पाल्पाली कोलोनी पोखरामा क्रियाशील भएको बताए । कार्यक्रममा पाल्पाली समाज पोखराका पूर्व अध्यक्ष एवं कम्पनी सञ्चालक नारायणप्रसाद पौडेल, पाल्पाली समाजका निवर्तमान अध्यक्ष एवं पाल्पाली कोलोनी प्रालि अध्यक्ष रेशम थापा, पाल्पाली समाजकाा पूर्व अध्यक्ष जगदीश गौतम, समाजका सल्लाहकार संयोजक जनपुकार मुनकमीर्, पाल्पा हाउसका सदस्य–सचिव श्रीधर पराजुलीले पाल्पा हाउसबारे बोलेका थिए । कार्यक्रममा कम्पनी सञ्चालकहरुलाई सदस्यता प्रमाणपत्र वितरण गरिएको थियो । कम्पनीमा हाल ७६ सेयर सदस्य छन् ।
अहिले पाल्पा हाउसबाट पाल्पाली बहुउद्देश्यीय सहकारीको एकीकृत कारोबारसहित पाल्पाली समाज पोखराको सचिवालय सञ्चालित छ । कम्पनीले पाल्पाली मौलिक परिकारसहितको रानीमहल रेष्टुरेन्ट सञ्चालन गरिरहेको छ भने १७ सटरमा विभिन्न प्रकारका व्यवसाय पनि संचालन गरिरहेको कम्पनी अध्यक्ष कुलप्रसाद घिमिरेले बताए ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१