पोखरा १६ र १९ वासीलाई निशुल्क एम्बुलेन्स

आदर्श समाज सम्वाददाता
असाेज १, २०८०

पोखरा । पोखरा वडा १६, १९ र नवआदर्श सामुदायिक विकास समाज तथा मातृशिशु मितेरी अस्पतालबीच निशुल्क एम्बुलेन्स सेवा सञ्चालनबारे सम्झौता भएको छ ।

वडा कार्यालयको आमा पोषण कार्यक्रमअन्तर्गत नागरिकलाई महानगरभित्रका अस्पताल पुग्न नवआदर्शले निशुल्क एम्बुलेन्स सेवा उपलब्ध गराउनेसम्बन्धी सम्झौता भयो । सम्झौतापत्रमा वडा अध्यक्षद्वय अमृत शर्मा तिमिल्सिना र पुष्पेन्द्र पाण्डे तथा समाजका अध्यक्ष स्वागतसिंह भण्डारी र अस्पतालका स्वास्थ्य सेवा प्रमुख धर्मदेव ढकालले हस्ताक्षर गरेका हुन् ।

सम्झौता अनुसार नवआदर्शले वडा १६ र १९ वासीलाई अस्पताल लैजान निशुल्क एम्बुलेन्स सेवा उपलब्ध गराउनेछ । उपचारपश्चात् घर फर्कनुपरेमा एम्बुलेन्स तथा उपचारक्रममा मृत्यु भएमा शववाहन सेवासमेत समाजले उपलब्ध गराउनेछ । सेवाबापत वडा कार्यालयहरूले समाजलाई भुक्तानी दिनेछ ।

पोखरा महानगरपालिकाका प्रमुख धनराज आचार्यको रोहवरमा गरिएको उक्त सम्झौता १ वर्षसम्म कायम रहनेछ ।

महानगर प्रमुख आचार्यले स्वास्थ्य सेवामा नगरवासीको सहज पहुँच पु‍¥याउन यसप्रकारका समझदारीले महत्वपूर्ण योगदान गर्ने विश्वास व्यक्त गरे ।

पोखरा महानगरपालिकाद्वारा सञ्चालित शिशुवा अस्पतालले पनि अत्याधुनिक एम्बुलेन्स सेवा प्रदान गरिरहेको छ । नागरिकको स्वास्थ्य सेवाका लागि पोखरा महानगरपालिकामातहतमा १ अस्पताल, २ प्राथमिक स्वास्थ्य केन्द्र, १९ स्वास्थ्य चौकी, २ आयुर्वेद औषधालय, १ सहरी स्वास्थ्य प्रवद्र्धन केन्द्र, २३ सहरी स्वास्थ्य केन्द्र सञ्चालित छन् ।

सम्बन्धित समाचार

सरकार र आन्दोलनरत शिक्षकबीचको पहिलो वार्ता निष्कर्षविहीन

आदर्श समाज सम्वाददाता असाेज ४, २०८०

पोखरा । सरकार र आन्दोलनरत शिक्षकबीच आज बिहान बसेको पहिलो चरणको वार्ता निष्कर्षविहीन भएको छ। यसअघि शिक्षा मन्त्रालयले वार्तामा बोलाउँदा…
सरस्वतीमा दन्त शिविर

आदर्श समाज सम्वाददाता असाेज ४, २०८०

पोखरा । नेलम्बो नेपालले पोखरा–१२, ढिकालेथरस्थित सरस्वती आधारभूत विद्यालयमा निशुल्क दन्त शिविर गरेको छ । शिविरमा शिक्षक, विद्यार्थी गरी २…
जीविका सहकारीको सभा

आदर्श समाज सम्वाददाता असाेज ४, २०८०

पोखरा । पोखरा ३ नदीपुरस्थित जीविका बचत तथा ऋण सहकारीको १२ औं वार्षिक साधारण सभा भएको छ । जिल्ला सहकारी…
‘दोष संविधानको हैन, सरकारको’

आदर्श समाज सम्वाददाता असाेज ४, २०८०

पोखरा । लामो रस्साकस्सीपछि संविधानसभाबाट संविधान बन्यो । संविधान कार्यान्वयन भएको पनि ८ वर्ष पूरा भयो । नागरिकका हक सुरक्षित…
गैराथर सिल्पा सडकको उद्घाटन

आदर्श समाज सम्वाददाता असाेज ४, २०८०

पोखरा । पोखरा २८ का वडाध्यक्ष श्रीकृष्ण लामिछानेले जनताले प्रत्यक्ष अनुभूत हुनेखालको विकास निर्माणको काम गर्न चाहेको बताएका छन् ।…