पोखरा । खाजाघरका नाममा यौनधन्दा चलाउने एक महिला प्रहरीको फन्दामा परेकी छन् ।

पोखराको सिर्जनाचोकमा खाजापसल चलाउँदै आएकी ती महिलाले ३ बालिका र १ जना महिलालाई कामदारको रुपमा राखेर यौनकार्यमा लगाउँदै आएको प्रहरीले जनाएको छ । प्रहरीले खाजाघर सञ्चालक गोरखाको पालुङटार स्थायी घर भएकी ६० वर्षे महिलालाई पक्राउ गरी अनुसन्धान थालेको छ ।

मानव वेचबिखन तथा ओसार पसार सम्बन्धी कसुरमा जिल्ला अदालतबाट ५ दिन म्याद थप गरिएको छ । शुभ अवसर ग्राम संस्थाको सहयोगमा वडा प्रहरी कार्यालय बैदामको ३ जनाको उद्धार गरेको डिएसपी वेद जोशीले जानकारी दिए ।

काराखेतीले बालिका र महिलालाई वेटरको राम्रो काम लगाइदिन्छु भनी लोभ देखाएर बोलाइ यौनजन्य क्रियाकलापमा लगाउने गरेको पाइएको प्रहरीले जनाएको छ ।