मानक नेपाली भाषाबारे कार्यशाला

आदर्श समाज सम्वाददाता
जेठ २६, २०८०

पोखरा । नेपाली विभाग, पृथ्वीनारायण क्याम्पसले शनिबार मानक नेपाली भाषाबारे छलफल आयोजना गर्दै छ । मानक नेपाली भाषाको प्रयोगः समस्या र समाधान विषयक कार्यशाला गोष्ठीमा २ कार्यपत्र प्रस्तुत हुने छन् ।
प्राडा चूडामणि बन्धु भाषाले ‘मानकीकरण र नेपाली भाषा’ र डा प्रेमप्रसाद चौलागाईंले ‘नेपाली भाषामा हुने गरेका भाषिक त्रुटि र निराकरणका उपायहरु’ शीर्षकका कार्यपत्रहरु प्रस्तुत गर्दै छन् । कार्यशालामा प्राध्यापक, कर्मचारी, लेखक, पत्रकार, कानुन व्यवसायी, प्रकाशक, शिक्षक गरी ३ सय जना सहभागी हुने आयोजकको अपेक्षा छ ।

नेपाली भाषाकै माध्यमबाट जीविकोपार्जन गर्नेहरुमा समेत भाषिक प्रयोगमा शुद्धता नदेखिएको नेपाली विभाग प्रमुख प्राडा कुशुमाकर न्यौपाने बताउँछन् । उनी भन्छन्, ‘भाषाको प्रयोगमा सजगता ल्याउनका लागि र भाषिक त्रुटि गर्ने अवस्था नबनाउन कार्यशाला आयोजना गरेका हौं । हामीले भाषामा गल्ती गर्नु अक्षम्य नै हुन्छ ।’

प्रज्ञा प्रतिष्ठान, प्रकाशनहरु, सरकारी निकाय, विश्वविद्यालय, मिडिया, शिक्षक, सरकारी कर्मचारीसहित सर्वसाधारणमै नेपाली भाषाको ज्ञान, प्रयोगमा सचेतना र भाषाप्रति आकर्षण सिर्जना गर्न कार्यशाला फलदायी हुने अपेक्षा गरिएको छ ।

सम्बन्धित समाचार

मनिपाल घटनापछि प्रदेशभर ओपिडी सेवा ठप्प

आदर्श समाज सम्वाददाता असाेज १०, २०८०

पोखरा । लमजुङको सुन्दरबजार नगरपालिका ६ की ५७ वर्षीय सुकमाया दुराको मनिपाल शिक्षण अस्पतालमा सोमबार उपचारक्रममा मृत्यु भयो । श्वासप्रश्वास…
१९ औं एसियाली खेलकुद : २२८ पदकको छिनोफानो, नेपाल पदकविहीन

आदर्श समाज सम्वाददाता असाेज १०, २०८०

हाङझाउ (चीन) । १९ औं एसियाली खेलकुद, २०२२ अन्तर्गत सोमबारसम्म २ सय २८ पदकको छिनोफानो भएको छ । एसियाली खेलकुदमा…
तिब्बती शरणार्थीसँग त्रसित चीन

प्रकाश ढकाल असाेज ९, २०८०

पोखरा । सन् १९५९ मा तिब्बतबाट भागेका खम्पा विद्रोहीहरुसँग चीन अहिले पनि त्रसित छ । उनीहरु नेपालका विभिन्न ठाउँमा शिविर…
तनहुँमा डेंगु संक्रमणबाट ३ जनाको मृत्यु

आदर्श समाज सम्वाददाता असाेज ९, २०८०

दमौली । डेंगु संक्रमणबाट तनहुँमा यस वर्ष ३ जनाको मृत्यु भएको छ । मृत्यु हुने तीनै जना व्यास नगरपालिकाका विभिन्न…
नारी उत्थान समाजसेवा पुरस्कारबाट सुष्मा पौडल सम्मानित

आदर्श समाज सम्वाददाता असाेज ८, २०८०

पोखरा । पोखरा–१७, बेलघारीस्थित नारी उत्थान दिदीबहिनी समूहद्वारा स्थापित र सञ्चालित ‘नारी उत्थान समाजसेवा पुरस्कार’ सामाजिक अभियन्ता सुष्मा पौडललाई प्रदान…