पोखरा । पाकिस्तानका पूर्व प्रधानमन्त्री इमरान खान पक्राउ परेका छन् ।

राजधानी इस्लामावादस्थित उच्च अदालतबाहिरबाट प्रहरीले उनलाई पक्राउ गरेको हो । दुईवटा मुद्दाको सुनुवाइका लागि अदालत पुगेका खानलाई प्रहरीले अल कादिर ट्रस्टसँग सम्बन्धित घटनाबारे अनुसन्धानका लागि पक्राउ गरेको हो ।

इस्लामाबाद प्रहरीका आईजीले विज्ञप्तिमा जारी गर्दै इमरान खानलाई अल–कादिर ट्रस्ट मामिलामा पक्राउ गरिएको बताएका छन् । इस्लामाबाद पुलिसले धारा १४४ अनुसार कारबाही हुने बताइएको छ।