पाइपलाइनमा हुने क्षतिको मूल्यांकन गर्न समिति

आदर्श समाज सम्वाददाता
चैत्र १९, २०७९
Khanepani

पोखरा । पृथ्वी राजमार्गअन्तर्गत मुग्लिन–पोखरा सडकखण्ड विस्तारका क्रममा कोत्रेदेखि विजयपुरसम्मका विभिन्न खानेपानी आयोजनाका पाइपलाइनमा हुने क्षतिको मूल्यांकनका लागि अनुगमन समिति गठन गरिएको छ ।

लेखनाथ खानेपानी उपभोक्ता संस्थाको कार्यालयमा आयोजनाका प्रतिनिधि, खानेपानी संस्थाका प्रतिनिधि र प्रभावित क्षेत्रका वडाध्यक्षसहितको भेलाले आयोजनाका इन्जिनियर नारायण पौडेलको संयोजकत्वमा ६ सदस्यीय अनुगमन समिति गठन गरेको हो ।

समितिका सदस्यहरू आयोजनाका सिनियर इन्जिनियर सरोज बस्नेत, निर्माण कम्पनीका प्रतिनिधि सिवासिस सिं स्वर, खानेपानी उपभोक्ता संस्थाका उपाध्यक्ष पुष्पकमल ढुंगाना, सदस्य दीपकमणि भण्डारी र खानेपानी उपभोक्ता संस्थाका इन्जिनियर रमेश गिरी छन् । समितिले १५ दिनभित्र अनुगमन गरी लागत स्टिमेट खानेपानी उपभोक्ता संस्थामा पेस गर्ने भएको हो ।

पृथ्वी राजमार्ग मुग्लिन सडक योजना पश्चिम खण्ड विस्तारको क्रममा कोत्रेदेखि विजयपुरसम्मको सडक खण्डको बाटोको दायाँबायाँको करिब २२ किलोमिटरको पाइप लाइनमा क्षति पुग्ने देखिएको छ ।

सो क्षेत्रका पाइप लाइन स्थानान्तरण तथा मर्मतका लागि १७ करोड ७० लाख ७१ हजार ६सय १२ रुपैयाँ खर्च हुने लागत स्टिमेट गरिएको थियो । कम भन्दा कम क्षति पुग्ने गरी काम गर्न जनस्तरमा सहजीकरणका लागि समितिले पहल गर्नेछ ।

लेखनाथ खानेपानी उपभोक्ता संस्थाका अध्यक्ष मुरारी शर्माको अध्यक्षतामा भएको कार्यक्रममा मुग्लिन–पोखरा सडक योजना पश्चिम खण्डका योजना प्रमुख अमीतकुमार श्रेष्ठ र ई.नारायण पौडेलले कमभन्दा कम क्षति हुने गरी काम गर्न सहज वातावरण आवश्यक हुने बताए ।

संस्थाका सल्लाहकार विश्वप्रकाश लामिछाने, पोखरा ३२ का अध्यक्ष अक्कलबहादुर कार्की, लेखनाथ खानेपानी उपभोक्ता संस्थाका उपाध्यक्ष पुष्पकमल ढुंगाना र सचिव नारायणी भट्टराईले आम उपभोक्ताको हितमा हुने गरी काम अघि बढाउनुपर्नेमा जोड दिए ।

Related News

सम्बन्धित समाचार

  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…
  • दिपाङमा ४ जनाको सकुशल उद्धार

    आदर्श समाज सम्वाददाता असार २७, २०८१
    पोखरा । दिपाङ तालमा झरीका कारण पानीको सतह बढेपछि डुबानमा परेका एकै घरका ४ जनाको उद्धार गरिएको छ । पोखरा…

hero news full width