सामुदायिक वन मादीमा सिर्जना

आदर्श समाज सम्वाददाता
चैत्र १३, २०७९
fecofan new 12

पोखरा । सामुदायिक वन उपभोक्ता महासंघ मादी गाउँपालिकाको दोस्रो अधिवेशनले सिर्जना अर्याल पौडेलको अध्यक्षतामा नयाँ कार्य समिति सर्वसम्वत चयन गरेको छ ।

५ वर्षे कार्यकाल रहेको सो समितिको उपाध्यक्षमा बृहस्पति सापकोटा, सचिव विजयराज अधिकारी, कोषाध्यक्षमा कृष्णकुमारी सुवेदी आचार्य र सदस्यहरुमा मिनाकुमारी अधिकारी, लक्ष्मी अधिकारी, धनकुमारी पट्यानी, अप्सरा देवकोटा, राम पौडेल र खडकबहादुर आले निर्वाचित भए ।

अधिवेशनले गण्डकी प्रदेश प्रतिनिधिमा हिमलाल आचार्य, विष्णुप्रसाद गौतम, रामचन्द्र अधिकारी, बुद्धिसागर सापकोटा, गोमा गुरुङ, कमला सापकोटा, शान्ति रानाभाट र वुद्धिमाया बराल सापकोटा र बमबहादुर क्षेत्री, इन्द्रबहादुर खत्री, हरिप्रसाद सापकोटा, विष्णुकुमारी पौडेल, शान्ति सापकोटा र पवित्रा गौतमलाई जिल्ला प्रतिनिधि चयन गरेको छ ।

सामुदायिक वन उपभोक्ता महासंघ नेपाल केन्द्रीय सदस्य एवं कास्की समन्वय समितिका उपप्रमुख सरीता कुमालले अधिवेशनको शुभारम्भ गर्दै महिला नेतृत्व विकासमा सामुदायिक वन वरदान सावित बनेको विचार व्यक्त गरिन् ।

महासंघका केन्द्रीय सदस्य एवम् प्रचार विभाग प्रमुख हरि बास्तोलाले नेपाल सगरमाथा र बुद्ध जन्मभूमिसँगै पछिल्लो समय सामुदायिक वनको देशको रुपमा विश्वसामु परिचित हुन सफल भएको उल्लेख गरे ।

महासंघ गण्डकी प्रदेश अध्यक्ष कालिदास सुवेदीले कानूनी अडचनका कारण सामुदायिक वन समूहमा काठ कुहिने र विदेशबाट खर्बौ मूल्य बराबरको काठ आयात हुँदा मुलुकमा हरित रोजगार सिर्जना हुन नसकेको बताए ।

मादी गाउँपालिका वडा नं. १२ का वडाअध्यक्ष कृष्णराज दाहालले वन समूह र पालिकाको सहकार्यमा वनलाई आयआर्जनको माध्येम बनाउनुको विकल्प नभएको बताउँदै वन तथा वातावरण क्षेत्रको विकासमा पालिकाको सहयोग रहने प्रतिवद्धता व्यक्त गरे ।

स्थानीय महासंघका अध्यक्ष प्रकाश पौडेलको अध्यक्षतामा भएको कार्यक्रममा महासंघ कास्कीका अध्यक्ष विश्वनाथ लामिछाने, सचिव सिर्जना पौडेल लगायतले मानव वन्यजन्तु द्वन्द्व व्यवस्थापनमा तीनै तहका सरकार जिम्मेवार हुनु पर्नेमा सामूहिक धारणा राखे ।

Related News

सम्बन्धित समाचार

  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…
  • दिपाङमा ४ जनाको सकुशल उद्धार

    आदर्श समाज सम्वाददाता असार २७, २०८१
    पोखरा । दिपाङ तालमा झरीका कारण पानीको सतह बढेपछि डुबानमा परेका एकै घरका ४ जनाको उद्धार गरिएको छ । पोखरा…
  • ढल्यो ऐतिहासिक घर

    धनबहादुर गुरुङ असार २७, २०८१
    पोखरा । कलात्मक शैलीका झ्यालढोका । इँट्टाको गारो । टिनको छानोसहितको तीनतले घर । पोखरा ४, गैह्रापाटनमा रहेको बडो कलात्मक…
  • ब्युटीपार्लर एसोसिएसन गण्डकीमा बबिता

    आदर्श समाज सम्वाददाता असार २६, २०८१
    पोखरा । ब्युटीपार्लर एसोसिएसन गण्डकी अध्यक्षमा बबिता केसी कार्की चयन भएकी छन् । एसोसिएसन गण्डकी, कास्की र लेखनाथ इकाइको चौथो…

hero news full width