पोखरा । गण्डकीका मुख्यमन्त्री खगराज अधिकारीले थप दुई मन्त्रालयको कार्यभार सम्हालेका छन् । माओवादीका दुई मन्त्री सरकारबाट बाहिरिएपछि मुख्यमन्त्रीलाई ती मन्त्रालयको कार्यभार थपिएको हो । मुख्यमन्त्रीले अब भौतिक पूर्वाधार विकास तथा यातायात व्यवस्था र उद्योग पर्यटन वन तथा वातावरण मन्त्रालयको समेत कार्यभार सम्हाल्ने गरी जिम्मेवारी हेरफेर भएको सूचना प्रदेश प्रमुखको कार्यालयबाट आइतबार जारी सूचनामा उल्लेख छ । १० गते जिम्मेवारी हेरफेर भएको सूचना प्रदेश प्रमुखको कार्यालयबाट आइतबार जारी भए पनि त्यसमा जारी मिति भने उल्लेख गरिएको छैन ।
भौतिक मन्त्रालयको जिम्मेवारी माओवादीका हरिबहादुर चुमानले लिएका थिए । उनी अधिकारी सरकारमा दोस्रो वरियताका मन्त्री हुन् । यसैगरी उद्योग पर्यटन, वन तथा वातावरणमा रेशम जुग्जाली मन्त्री थिए । उनीहरु चैत १० गते सरकारबाट बाहिरिएका थिए । सरकारलाई दिएको समर्थन फिर्ता लिएको सूचना पनि सोही दिन माओावादीले संसद सचिवालयमा दर्ता गराएको हो । त्यही दिनबाट अधिकारी सरकार अल्पमतमा परेको छ । माओवादीको समर्थनमा पुस २५ गते एमालेका अधिकारीको नेतृत्वमा सरकार बनेको थियो । केन्द्रमा राजनीतिक समीकरण फेरिएसँग गण्डकीमा पनि त्यसको लप्कोले छोएको छ ।
मुख्यमन्त्रीले सरकारबाट बाहिरिएर मार्ग प्रशस्त गरिदिन कांग्रेसले पत्रकार सम्मेलनमार्फत् आग्रह गरेको छ । मुख्यमन्त्री अधिकारीले भने संवैधानिक प्रावधान अनुसार ३० दिनभित्र आफूले संसदमै विश्वासको मतका लागि फेस गर्ने जवाफ फर्काएका छन् ।
Related News
सम्बन्धित समाचार
प्रेमील गजलकारको भावपूर्ण बिदाइ
लायन्स पोखरा वर्किङ टुगेदरमा जनकराज पौडेल
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
hero news full width
मुख्य समाचार
दृष्टिविहीनलाई बाटो देखाउँदै गुगल
प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१झण्झटिलो प्रशासनिक सेवा र भ्रष्टाचार विकासका बाधकः राष्ट्रपति
वैशाख ३, २०८१