पोखरा । मेडिप्लस हस्पिटल एन्ड ट्रमा सेन्टर रानीपौवा, आइसीएफसी फाइनान्स र लायन्स क्लब अफ पोखरा डेस्टिनेसनको संयुक्त आयोजनामा पोखरामा बृहत् रक्तदान कार्यक्रम भएको छ । कार्यक्रममा ३५ युनिट रगत संकलन भयो ।

पोखरा ११ का नवनिर्वाचित वडाध्यक्ष प्रेमप्रसाद कर्माचार्यले पहिलो रक्तदाता कृष्णप्रसाद तिवारीलाई ब्लडब्याग हस्तान्तरण गरी कार्यक्रम उद्घाटन गरेका थिए । सो अवसरमा तिवारीले गरेको रक्तदान ६४ औं पटक थियो ।

कार्यक्रममा मेडिप्लस हस्पिटल एन्ड ट्रमा सेन्टरका अध्यक्ष रमेश थापा, सञ्चाल समिति सदस्य डा. सरोज पोख्ररेल, वित्तीय निर्देशक विक्रम पराजुली, डा. नीरज रञ्जित, व्यवस्थापक गौतम पौडेल लगायतको उपस्थिति थियो । कार्यक्रममा आइसिएफसि फाइनान्स लि.का रिजनल म्यानेजर अनुप केसी, अप्रेसन तथा मार्केटिङ प्रमुख अर्पणा लामा, अप्रेसन इन्चार्ज सुवा पुन, ऋण शाखाका अमृत केसी, लक्ष्मी पौडेल, अजयकुमार गुरुङ, भूमिका थापा, अनुजा कँडेल, लायन्स क्लबतर्फबाट रामप्रसाद तिमिल्सिना र रिजन चिर्यरपर्सन लक्ष्मण शर्माको सहभागिता रहेको ब्यवस्थापक गौतम पौडेल बताए ।