म्याग्दी । गौ बोमबस्त मावि, मालिका गाउँपालिका–५, मगरदाङमा क्रियाशील प्रतिभा बाल क्लब पुनर्गठन भएको छ ।

विद्यार्थीको चौतर्फी विकास, बाल अधिकार संरक्षण र प्रवद्धन गर्ने उद्देश्यले गठित १३ सदस्यीय क्लब अध्यक्षमा विपासा सिउथानी चयन भएकी छिन् । उपाध्यक्षमा सफल बुढा, सचिवमा वीनिसा बुढा, कोषाध्यक्षमा शीतल पुन र सहसचिव सीमा फगामी चयन भएका छन् । सदस्यमा भूमिका फगामी, युना बुढाथोकी, सीता बिक, ईच्छा फगामी, रखना फगामी, सवि सिउथानी, वीपिसा राना र चेतन सिउथानी छन् ।

बालबालिकाको सर्वाङ्गीण विकासका लागि विद्यालयले विभिन्न रचनात्मक कार्य गरेको विद्यालयका प्रअ अमृत बुढाथोकीले जानकारी दिए । बाल क्लबमा आबद्ध भएका बालबालिकाले नेतृत्व विकास, क्षमता विकास तथा बाल अधिकारबारे छलफल, बाल सिर्जना समावेश गरी मासिक भित्ते पत्रिका प्रकाशन, सरसरफाइलगायत कार्यक्रम सञ्चालन निर्णय गरेको क्लबका अध्यक्ष विपसा सिउथानीले बताइन् ।

बैठकले क्लबको संरक्षकमा विद्यालयका प्रअ अमृत बुढाथोकी र शिक्षक इन्चार्जमा शिक्षक दीपक आचार्य र सल्लाहकारमा विद्यालयका अतिरिक्त क्रियाकलाप विभाग प्रमुख शिक्षक बुद्धि बहादुर राना र शिक्षक चेतबहादुर जिटीलाई चयन गरेको सचिव वीनिसा बुढाले जानकारी दिइन् ।