हेमजा, १८ जेठ । माछापुच्छ्रे गाउँपालिकाले आगामी आर्थिक वर्षका लागि परिणाममुखी योजनालाई प्राथमिकता दिने जनाएको छ ।
बुधवार गाउँपालिकामा भएको विभिन्न विषयगत सञ्जालका प्रतिनिधिसँगको अन्र्तक्रियामा पालिका अध्यक्ष मीनबहादुर गुरुङ, उपाध्यक्ष सीता अधिकारी लगायतले त्यस्तो बताएका हुन्।
गाउँपालिका अध्यक्ष गुरुङले आगामी नीति तथा कार्यक्रम एवं बजेटमा सीपमूलक र दीर्घकालीन योजनालाई प्राथमिकता दिने उल्लेख गरे । उनले भने, ‘वितरणमुखी बजेटले कुनै अर्थ राख्दैन । त्यसले परिणाम पनि दिंदैन । खाली बजेट सक्ने काम मात्रै हुन्छ ।’
कार्यक्रममार्फत लक्षित वर्गका समस्या सुन्ने मौका मिलेको पनि गाउँपालिका अधयक्ष गुरुङले स्पष्ट पारे। उपाध्यक्ष अधिकारीले समृद्ध पालिका निर्माणका लागि आम नागरिक सचेत बन्नुपर्ने औंल्याइन् । उनले भनिन्, ‘हामी काम गर्न चुनिएका हौं, त्यसैले यो ५ वर्षमा परिणाममुखी काम गर्छौं ।’
प्रमुख प्रशासकीय अधिकृत विष्णुप्रसाद पोखरेलले बजेट विनियोजन भएका पक्ष तथा योजनाको प्रभावकारिता सूचकमा (अंक/प्रतिशत) मूल्यांकन हुनुपर्ने बताए । पालिकावासीको समृद्धि पक्षमा माछापुच्छे« रहेको स्पष्ट पार्दै उनले जनजीविका सहज बनाउँदै साँच्चै परिवर्तन हुने कार्यक्रमको सुरुआत आगामी बजेटमार्फत गरिने धारणा राखे ।
वडा ४ का वडाध्यक्ष मधुसुदन अधिकारीले विभिन्न सीपमूलक तालिममार्फत सञ्जाल थप सशक्त बनाउनुपर्ने विचार राखे । सो अवसरमा पालिकास्तरीय दलित समन्वय समिति सचिव पदम नेपाली, ज्येष्ठ नागरिक सञ्जाल अध्यक्ष गणेशप्रसाद अधिकारी, महिला संजाल संयोजक सरस्वती अधिकारी, अपाङ सञ्जाल अध्यक्ष ओमनाथ अधिकारी, सचिव रामचन्द्र विक लगायतले बोलेका थिए ।
प्रमुख प्रशासकीय अधिकृत पोखरेलको अध्यक्षतामा भएको सो कार्यक्रमको संचालन महिला बालबालिका शाखा प्रमुख रीता थापाले गरेकी थिइन्।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१