पोखरा । लोक संस्कृतिकर्मी मेनकाजी गुरुङ स्मृतिकोषमा ३५ लाख २६ हजार रुपैयाँ संकलन भएको छ । हिमाली सांस्कृतिक परिवारले पोखरामा पत्रकार सम्मेलन गरी सो जानकारी दिएको हो ।

हिमाली सांस्कृतिक परिवारका अध्यक्ष रहेका गुरुङको गत वर्ष कोरोनाका कारण ज्यान गएको थियो । हिमाली सांस्कृतिक परिवारले उनको स्मृतिमा संस्थाका मानार्थ सदस्य एवं सल्लाहकार रुद्रकुमारी गुरुङ (मैना) को संयोजकत्वमा स्मृतिकोष समिति गठन गरेको थियो ।

स्व.गुरुङको योगदानको चिरकाल स्मरणका अक्षयकोष स्थापित गरी वरिष्ठ लोकसंस्कृतिकर्मीलाई सम्मान, सक्रिय कलाकार पुरस्कृत र लोकसंस्कृति संरक्षण एवं विकास गर्ने उद्देश्यले कोषको स्थापना गरिएको स्मृतिकोष समितिका संयोजक मैनाले बताइन् । कोषको वार्षिक व्याजबाट आगामी वर्षदेखि कार्यक्रम गरिनेछ ।

कोषका लागि स्व. गुरुङका आफन्तजन, शुभचिन्तक, शुभेच्छुक महानुभाव एवं संघसंस्थाले सहयोग गरेको स्मृतिकोष समिति कोषाध्यक्ष श्रीजंग गुरुङले बताए । उनका अनुसार हालसम्म संकलित रकममध्ये ३५ लाख अक्षयकोष स्थापना गरिने र शुभेच्छुकबाट अझै पनि रकम आउने क्रम जारी रहेको बताए ।

परिवारका सल्लाहकार हुमबहादुर गुरुङले कोषको वार्षिक व्याजबाट वरिष्ठ लोकस्रस्टालाई वार्षिक राष्ट्रियस्तरको पुरस्कार, लोककलाकारलाई प्रोत्साहन स्वरुप पुरस्कृत र लोक संस्कृति संरक्षण सम्वद्र्धनका लागि कार्यक्रम हुने गरी विनियम बनेको बताउए । परिवारका अध्यक्ष ज्ञानबहादुर थापाले कोष स्थापनाका लागि सहयोग गर्ने सम्पूर्णलाई धन्यवाद दिए ।