‘लाहाचोक एक: विविधता अनेक’ लोकार्पण

आदर्श समाज सम्वाददाता
जेठ १७, २०७९
Lahachowk (2)

पोखरा । वैदेशिक रोजगार मञ्च लाहाचोकको आयोजनामा सिंगो लाहाचोकलाई चिनाउने पुस्तक ‘लाहाचोक एक : विविधता अनेक’ कृति लोकार्पण, ज्येष्ठ नागरिक तथा खेलाडी सम्मान गरिएको छ ।

कृति लोकार्पण गर्दै ण्डकी प्रदेशका प्रदेश सभा सदस्य डा. पुष्पा केसी भण्डारीले लाहाचोकको गौरव र गरिमालाई उचो बनाउन वैदेशिक रोजगार मञ्चले पु¥याएको योगदानको जति चर्चा गरे पनि कमै हुने बताइन् । विदेशमा बसेर पनि लाहाचोकलाई एउटा दस्तावेज बनाएर प्रकाशन गर्ने मात्र होइन, साक्षात् भगवान्रुपी आमाबुबालाई सम्मान गर्ने, जन्मभूमिको श्रीवृद्धिमा खट्नेप्रति सम्मान व्यक्त गरिन् । वर्तमान नवनिर्वाचित पालिका पदाधिकारीलाई बधाई ज्ञापन गर्दै अतिथि भण्डारीले राम्रा कामका लागि तेरो मेरो नभनेर एक भएर अगाडि बढ्नका लागि सुझाइन् ।

समारोहमा माछापुच्छ्रे गाउँपालिका प्रमुख मीनबहादुर गुरुङ, उपप्रमुख सीता अधिकारी, कार्यकारी अधिकृत विष्णु पोखरेल, लाहाचोकका संस्थापक अध्यक्ष पूर्णबहादुर शाही, वर्तमान वडाध्यक्ष मधुसुदन अधिकारी, लाहाचोक साहित्य सदनका अध्यक्ष लीलाधर अधिकारी, महेन्द्र माविका प्रधानाध्यापकलगायतले मन्तव्य राखेका थिए ।

कृतिको समीक्षा गर्दै असफल गौतमले सरकारले गर्नुपर्ने काम वैदेशिक रोजगारमा रहेका युवाहरुबाट हुनु स्तुत्य रहेको बताए । उनले लाहाचोकका विविधता र मञ्चको गतिविधिको ऐतिहासिक दस्तावेजका रुपमा कृति रहेको उल्लेख गरे ।

समारोहमा पालिका भरीबाट सामाजिक क्षेत्रमा स्तुत्य कार्य गरेका १–१ जना ज्येष्ठ समाजसेवी १० र उदीयमान खेलाडी गरी ११ जनालाई नगदका सम्मान गरिएको थियो । यसका साथै, समारोहमा कार्यक्रम सफल पार्न र कृति प्रकाशनमा शुभकामना तथा व्यावसायिक सन्देश प्रदान गर्ने दातालाई प्रशंसापत्रसमेत प्रदान गरिएको थियो ।

मञ्चका सल्लाहकार राजेश घलेको अध्यक्षतामा सम्पन्न कार्यक्रममा प्रेम ढकालको स्वागत मन्तव्य रहेको थियो । कार्यक्रमको सञ्चालन विदुरचन्द्र ढकाल र राजेन्द्र गौतमले गरेका थिए ।

Related News

सम्बन्धित समाचार

  • गण्डकी बोर्डिङका शिक्षकलाई तालिम

    आदर्श समाज सम्वाददाता वैशाख १२, २०८१
    पोखरा । खुसी हुनु मानिसको मूल स्वभाव हो । तर अचेल व्यस्त दैनिकीका कारण मानिस आफ्नो खुसी हुने स्वभाव बिर्सिएर…
  • प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन

    आदर्श समाज सम्वाददाता वैशाख १२, २०८१
    पोखरा । पोखरा । प्रधानाध्यापक संघ नेपाल (प्रिन्सिपल एसोसियन नेपाल–पान) को पोखरामा सम्पन्न पहिलो भेलाले वामदेव पौड्यालको अध्यक्षतामा गण्डकी प्रदेशस्तरको…
  • एनटिभिएको शुभकामना आदानप्रदान

    आदर्श समाज सम्वाददाता वैशाख १२, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकीले नयाँ वर्ष अवसरमा शुभकामना आदानप्रदान एवं टेबुल क्यालेन्डर लोकार्पण गरेको छ…
  • पोखरा १३ मा निशुल्क तालिम

    आदर्श समाज सम्वाददाता वैशाख १२, २०८१
    पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा…
  • जलारी समुदायबारे वृत्तचित्र

    आदर्श समाज सम्वाददाता वैशाख १२, २०८१
    पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको…

hero news full width