पोखरा । लेखनाथ उद्योग वाणिज्य संघले स्थापनाका २५ वर्षको अवसरमा रजत स्तम्भ शिलान्यास गरिएको छ । संघका अध्यक्ष छत्रधर आत्रेयले बुधबार बिहान संघ परिसरमा रजत स्तम्भ शिलान्यास गरेका हुन् ।

रजत स्तम्भ निर्माण उपसमितिका संयोजक भरतकुमार अधिकारीले रजत स्तम्भको डिजाइनबारे संक्षिप्त जानकारी गराएका थिए । संघका पूर्व अध्यक्ष एवं रजत स्मारिका प्रकाशन उपसमिति संयोजक चतुराखर अधिकारीले रजत स्मारिका प्रकाशनसम्बन्धी भएका प्रगतिबारे जानकारी गराएका थिए ।

कार्यक्रममा संघका संस्थापक अध्यक्ष, निवर्तमान अध्यक्ष, पूर्व अध्यक्षहरु, पदाधिकारी, कार्यसमिति सदस्य लगायत उपस्थिति रहेको कार्यक्रम सञ्चालन संघका महासचिव उपेन्द्रराज सुवेदी (राजु) ले गरेका थिए ।