बजेट अधिवेशन आजदेखि

आदर्श समाज सम्वाददाता
जेठ ११, २०७९
gandaki province parliament

फाइल फोटो

पोखरा । गण्डकी प्रदेश सभाको बर्खे अधिवेशन बुधबारबाट सुरु हुँदैछ । प्रदेश सरकारको जेठ ५ गते बसेको मन्त्रिपरिषदको सिफारिस अनुसार प्रदेश प्रमुख पृथ्वीमान गुरुङले बुधबार दिउँसो १ बजेका लागि अधिवेशन आह्वान गरेका हुन् ।
प्रदेश सभा सचिवालयका अनुसार अधिवेशनको पहिलो दिन बुधबार संसदमा प्रतिनिधित्व गर्ने सबै राजनीतिक दलका नेता वा प्रतिनिधिले सम्बोधन गर्ने कार्यसूची छ । त्यसभन्दा अगाडि सभामुखले प्रदेश प्रमुखको कार्यालयबाट पत्र पढेर सुनाउने छन् ।

जेठ १२ गतेको बैठकमा अर्थमन्त्री रामजीप्रसाद बराल जीवनले बजेटका सिद्धान्त तथा प्राथमिकता पेस गर्ने तयारी सरकारले गरेको छ । बजेटका सिद्धान्त तथा प्राथमिकतामाथि छलफल १७ गते सकिएपछि केही दिनको अन्तरमा नीति तथा कार्यक्रम प्रस्तुत हुनेछ । प्रदेश सरकारले असार १ गते बजेट प्रस्तुत गर्नुपर्ने हुन्छ ।

प्रदेश सभामा पेस भएका पर्यटन, सञ्चारसम्बन्धी विधेयक पनि यही अधिवेशनमा पारित गर्ने तयारी छ । मुलुकको राजनीति सिधा रेखामा गए यो कार्यकालका लागि गण्डकी प्रदेशसभाको अहिलेको बैठक नै अन्तिम हुनेछ । प्रतिनिधि सभा र प्रदेश सभाको चुनावपछि मात्र दोस्रो कार्यकालको अधिवेशन सुरु हुनेछ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width