पोखरा । स्वागतम बहुउद्देश्यीय सहकारीको नयाँबजारमा कार्यालय उद्घाटनसँगै रक्तदान कार्यक्रम भएको छ । कार्यक्रममा २५ युनिट रगत संकलन भएको सहकारी अध्यक्ष सुशील नेपालीले जानकारी दिए ।

राष्ट्रिय सहकारी महासंघ गण्डकी प्रदेश समन्वय समिति सदस्य तेजनारायण अधिकारीले आर्थिक समृद्धिसँगै सुखद यात्राको सुरुवात भएको र सामाजिक क्षेत्रमा गर्ने यस्ता कार्यले अन्य संघसंस्थालाई पनि उत्प्रेरणा मिल्ने बताए ।

नेपाली कांग्रेस गण्डकी प्रदेश सभापति शुक्रराज शर्माले आर्थिक उन्नतिका लागि यो परिवेश अत्यन्त आवश्यक भएको र नयाँ कार्यालय सुरुवातसँगै आयोजित कार्यक्रमले समाजमा सकारात्मक सन्देश प्रवाह गर्ने विश्वास व्यक्त गरे । उनले संस्थाले आगामी दिनमा गर्ने काममा पनि हातेमालो गर्ने बताए ।

प्राविधिक सहयोग रहेको क्षेत्रीय रक्तसञ्चार कार्यालय पोखराका प्रमुख अर्जुन ज्ञवालीले कुनै पनि बेला जोकोहीलाई रगत चाहिन सक्ने बताउँदै अकालमा ज्यान जान लागेको मानिसलाई बचाउने वैकल्पिक उपाय भनेकै रक्तदान भएको बताए ।

संस्थाका अध्यक्ष सुशील नेपालीको अधयक्षतामा भएको कार्यक्रममा कोषाध्यक्ष कमला सुनारले स्वागत र रवि बिकले संचालन गरेका थिए ।