पोखरा । अम्बिका भागवत् फाउन्डेसन पोखराको आयोजनामा पोखरा–३१, आनन्दज्योति माविमा विद्यार्थीलाई स्कुल ड्रेस र शैक्षिक सामग्री वितरण गरिएको छ ।

विद्यालयका सीमान्तकृत सामुदायिकका २० जना छात्राछात्रालाई ती सामग्री वितरण गरिएको फाउन्डेसनका अध्यक्ष भागवत नेपालले जानकारी दिए ।

विद्यलायका प्रअ शिवराज अधिकारीको अध्यक्षतामा भएको कार्यक्रममा फाउन्डेसन अध्यक्ष नेपाल, को–फाउन्डर अम्बिका नेपाल, फाउन्डर देवी श्रेष्ठ, गोमा सोती, लालबहादुर श्रेष्ठ, करुणा बास्तोला र आजीवन सदस्य शोभा सुवेदीले बोलेका थिए ।

कार्यक्रममा प्रेन्सा फाउन्डेसनले छात्राहरुलाई सेनेटरी प्याड भएको नमुनाघर प्रदान गरेको थियो । कार्यक्रम सञ्चालन विद्यालयका शिक्षक वसन्त पहारीले गरेका थिए । कार्यक्रममा प्रेन्सा फाउन्डेसनसहित सम्झना सामुदायिक सेवा समितिको सहयोग रहेको थियो ।

फाउन्डेसनले यसअघि चैत १६ मा निशुल्क स्वास्थ्य शिविरसमेत गर्नुका साथै विद्यालयका बालबालिकालाई ड्रेस तथा शैक्षिक सामग्री वितरण गरेको थियो ।