एन्फा निर्वाचनमा कास्की र गोरखा आउट

धनबहादुर गुरुङ
वैशाख २४, २०७९
ANFA Nepal

पोखरा । अखिल नेपाल फुटबल संघ (एन्फा) को आगामी केन्द्रीय कार्यसमिति निर्वाचनमा गण्डकी प्रदेशबाट कास्की र गोरखा सहभागिताबाट वञ्चित बनेका छन् ।

एन्फको १५ जेठमा गर्ने भनिएको चुनाव ६ असारमा गर्ने गरी मिति सारिएको थियो । पटक–पटक स्थगितपछि गत १५ चैतको विशेष साधारण सभाले चुनाव १५ जेठमा गर्ने निर्णय गरेको थियो । तर, एन्फा सचिवालयले विशेष साधारणसभाको निर्णय उल्टाउँदै कार्यसमिति सदस्यहरू, जिल्ला र क्लबहरूलाई पठाएको ‘केन्द्रीय कार्यसमितिको निर्वाचन प्रक्रियासम्बन्धी कार्यक्रम’मा एन्फाको चुनाव ६ असारमा गर्ने जानकारी गरायो ।

सोहीअनुरुप केन्द्रीय महाधिवेशन अघि नै जिल्लाले अधिवेशन सक्नुपर्ने भयो । केन्द्रले पनि जिल्लास्थित फुटबल संघहरुलाई निर्देशन जारी ग¥यो । समयमै नेतृत्व चयन गरेर बसेको गण्डकी प्रदेशबाट ६ जिल्लाले मात्र अधिवेशनमा मताधिकार पाउने भए । ११ जिल्ला रहेको गण्डकीमा अघिल्लो महाधिवेशन हुँदा ६ जिल्लामात्र थिए । यसबीचमा मनाङ र नवलपुरले नयाँ सदस्य इन्ट्री ग¥यो । थप जिल्लाहरुबीच समन्वय गरी ६ जिल्ला मात्रले मताधिकार पाउने केन्द्रले निर्णय ग¥यो ।

सोहीअनुसार शुक्रबार तनहुँको आबुखैरेनीमा प्रदेशका आठै जिल्ला फुटबल संघका प्रतिनिधिको भेलाले प्रतिनिधि चयन गर्दा कास्की र गोरखा मताधिकारबाट वञ्चित बनेका हुन् । गण्डकीबाट तनहुँ, बागलुङ, स्याङ्जा, नवलपुर, मनाङ र लमजुङले मताधिकार प्राप्त गरेको पर्यवेक्षक तथा केन्द्रीय सदस्य रत्नकुमार श्रेष्ठले बताए ।

निर्वाचनबाट प्रतिनिधि चयन गरिंदा तनहुँ र बाग्लुङले सर्वाधिक ८ मत हासिल गरे भने स्याङ्जाले ७ तथा नवलपुर, मनाङ र लमजुङको पक्षमा समान ६ मत परेको थियो । २ मतमा सीमित कास्की र गोरखाले मताधिकार पाएनन् ।
केन्द्रीय अध्यक्षमा दोस्रो कार्यकाल पनि निरन्तरता दिने लक्ष्यका साथ चुनावी मैदानमा उत्रिएका वर्तमान अध्यक्ष कर्माछिरिङ शेर्पा र वर्तमान वरिष्ठ उपाध्यक्ष पंकजविक्रम नेम्वाङ चुनावी मैदानमा जाने पक्कापक्की जस्तै छ । यसकारण पनि यस किसिमको रणनीति अपनाइएको हुन सक्ने खेलकर्मी, एन्फाको जिल्ला तहमा पदाधिकारीको विश्लेषण छ ।

चुनावमा हालका अध्यक्ष कर्मा छिरिङ शेर्पा र वर्तमान वरिष्ठ उपाध्यक्ष पंकजविक्रम नेम्वाङ चुनावी मैदानमा जाने पक्कापक्की जस्तै छ

आसन्न एन्फाको निर्वाचनमा कास्की जिल्ला फुटबल संघ प्रतिनिधि छनोटमा असफल हुनुमा धेरै फुटबलप्रेमीले आश्चर्य व्यक्त गरेका छन् । कास्कीका अध्यक्ष उज्ज्वल रञ्जितले आफू कुनै पक्षमा रहेको बताए पनि योजनाका साथ बोलाइएको बैठकमा जबर्जस्ती माइन्युट गरिएको बताए । ‘यो योजनावद्ध नै थियो । हामीलाई बैठक भनेर बोलाइयो तर माइन्युट पहिल्यै तयार बनाइएको रहेछ,’ उनले थपे, ‘हामी सोझो रुपमा बैठकमात्र भनेर गयौं, त्यहाँ त राजनीति सुरु भइसकेको रहेछ ।’ गण्डकी प्रदेशको फुटबलमा उर्वरभूमि एन्फाको केन्द्रीय समिति चयन गर्दा सहभागी हुन नपाउनु दुखद भएको उनको प्रतिक्रिया थियो ।

आफूले कास्की फुटबलको हव हो भनेर बताइरहँदा समेत कुनै बैठकमा कुनै सुनुवाइ नभए पनि हामी यसबारे पोजिटिभ नै रहेको अध्यक्ष रञ्जितले बताए । ‘हामी कास्कीलाई छुटाउनु हुँदैन, हामी फुटबल विकास गर्न आएको हो भनेर कति रिक्वेस्ट ग¥यौं उहाँहरु मान्नुभएन,’ उनले भने, ‘हामी भोटमा गयौं यहाँ त पहिला नै सेटिङ भइसकेको रहेछ, हामीले नयाँ थपिएको मनाङ र नवलपुरलाई पनि भनेको थियौं तर सबै मिलिसकेको कुरामा हामी बोल्ने कुरा पनि भएन ।’ उनले अरु जिल्ला नआओस् भन्ने आफ्नो मनसाय नरहेको बताउँदै प्रतिनिधि छनोटमा कास्कीलाई छुटाउनुमा कास्की फुटबलका लागि दुखद विषय रहेको बताए ।

यता, एन्फाका केन्द्रीय सदस्य तथा सुपरीवेक्षक रत्नकुमार श्रेष्ठले सबै जिल्लाका अध्यक्षहरु भेला भएर निर्वाचनमार्फत प्रतिनिधि चुन्ने सहमति भएपछि ६ जिल्ला छनोट भएकाले प्रक्रिया विवादरहित भएको बताए ।

यसपटक एन्फा चुनावमा कुल भोटर ८७ रहनेछ । जुन भोट आफ्नो पक्षमा पार्न यतिबेला हालका अध्यक्ष शेर्पा र वरिष्ठ उपाध्यक्ष नेम्बाङले उपाय रचिरहेका छन् ।

प्यानलसहित एन्फा आगामी चारवर्षे कार्यकालका लागि चुनावी भिडन्तमा मैदान प्रवेश गर्ने पक्कापक्की भएपछि क्लब, जिल्ला र एन्फाअन्तर्गतका क्लबलाई रिझाउन व्यस्त छन् । आगामी एन्फा अध्यक्ष को बन्ने भन्नेमा दुवै समूहले आ–आफ्नै समूह बलियो रहेको दाबी गरेका छन् ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width