स्याङ्जा। स्थानीय तहको निर्वाचन नजिकिँदै गर्दा यहाँका प्रतिस्पर्धी उम्मेदवारहरु घरदैलोमा पुगेर मत माग्नमै ब्यस्त छन् ।
विभिन्न राजनीतिक दलहरु आ आफना दलगत गुट सहित आ आफना निर्वाचन क्षेत्रमा पुगेर आ आफनै शैलीले मत माग्ने गरेका छन् ।

निर्वाचन कार्यालयले अन्तिम नामावली प्रकाशसन गरेसंगै यहाँका राजनीतिक दलहरु घर तथा टोलटोलमा पुगेर मत माग्ने अभियानमा जुटेका हुन ।

अघिल्लो पटक पुतलीबजार नगरप्रमुखका उपविजेता नेपाली कांग्रेसका उम्मेदवार तुलसीराम रेग्मी यसपटक आफू निर्वाचित भएमा नगरबासीका आवश्यकता अनुरुपका शिक्षा, स्वास्थ्य, रोजगार, पूर्वाधार विकाससंगसंगै सुशासनयुक्त र भ्रष्टाचार मुक्त पालिका बनाउने अभियानमा जुटेको बताए ।
उनले भने, ‘सदरमुकामसंगै रहेको नगरपालिका अस्तब्यस्त छ । ५ बर्षे समयसीमा उल्लेख्य कुनै काम हुन सकेनन् । बनेका पनि टिकाउ र राम्रा छैंनन् । विकास निर्माणले गति लिएनन् । साँगुरो राजमार्ग, अब्यवस्थित खानेपानी र ढल निकास, बिभेदयुक्त अनुदान तथा सहयोग बितरण लगायत कार्यकर्तामुखी कार्यक्रमका कारण समग्र नगरबासीका पहुँच भन्दा बाहिर बनाइएकोे पालिकालाई सबैको साझा बनाउनेछु । यसपटक मलाई मतदान गर्नुहोस् ।’

सबै बर्ग, धर्म र जातजातीलाई समान शिक्षा, उपचार, रोजगार र सीप विकासमा ध्यान दिई नगरपालिकाको बढ्दो बसाई सराईंलाई नियन्त्रणगरी प्राबिधिक तथा उच्च शिक्षालय स्थापना गर्ने उनले बताए ।

यसैगरी, उपप्रमुख देवी अर्यालले गृहीणीदेखि कामकाजी सबै महिलाको समान सम्मान सहित उनीहरुका हक, हित, अधिकार, रोजगार र न्यायका पक्षमा काम गर्ने बताईन् ।

सबै बर्गका महिलाकालागि सम्मान योग्य काम गर्ने, उनीहरुका क्षमता पहिचानगरी रोजगार तथा सीपमूलक तालिम उपलब्ध गराई महिलामुखी रोजगारी सृजना गर्ने पक्षमा रहेको लक्ष्य उनले सुनाईन् ।

अघिल्लो पटक १२ सय २० मतान्तरले पराजित भएका रेग्मी यसपटक आफु निर्वाचित हुनेमा आशावादी छन् । क्षेत्रीले १० हजार २४९ मत ल्याएर विजयी हुँदा रेग्मीले ९ हजार २९ मत पाएका थिए । चौध वटा वडा रहेको यहाँका मतदाता हाल ३७ हजार ७०८ जना छन् ।
अघिल्लो पटक पनि उनी नेकपा एमालेका तर्फवाट हाल पनि उम्मेदवार बनेकी सीमा क्षेत्रीसंगै चुनावी प्रतिस्पर्धामा थिए ।

यसपटक पनि नेकपा एमालेका तर्फवाट उही पुराना प्रमुखमा सीमा क्षेत्री र उपप्रमुखलाई दोहारयाएको छ । तर, नेपाली कांग्रेसले भने प्रमुखका प्रत्यासी रेग्मीलाई पुनः उम्मेदवारी बनाएको हो भने उपप्रमुखमा अर्याललाई पहिलो पटक उम्मेदवारी बनाएको हो । उनी नेपाली कांग्रेस महासमिति सदस्य हुन भने रेग्मी क्षेत्र नं. १ का क्षेत्रीय सभापति हुन ।