पोखरा । शीतलादेवी बहुउद्देश्यीय सहकारी संस्थाले प्रकाशन गरेको क्यालेन्डर विमोचन गरिएको छ । शीतलादेवी माध्यमिक विद्यालय व्यवस्थापन समितिका अध्यक्ष तथा वरिष्ठ समाजसेवी टीकाबहादुर कार्कीले क्यालेन्डरको विमोचन गरे । उनले सहकारी सञ्चालन गर्नु आफैंमा चुनौती रहेको बताउँदै सम्पूर्ण सञ्चालक सदस्यहरु एकजुट भएर सहकारी अघि बढाउनुपर्ने आवश्यकता औंल्याए । कोन सहकारीका सचिव शान्ताकुमार श्रेष्ठले आफ्नो धारणा राखेका थिए ।

सहकारीका अध्यक्ष तीर्थलाल श्रेष्ठको अध्यक्षतामा भएको कार्यक्रममा संस्थाका उपाध्यक्ष गोकर्ण कार्कीले स्वागत र सचिव राजु श्रेष्ठले सञ्चालन गरेका थिए । सहकारीको लेखा समिति सदस्य कञ्चन कार्कीले सहकारीको सिद्धान्त वाचन गरेकी थिइन् ।