पत्रकार गर्बुजाद्वारा सहयोग

आदर्श समाज सम्वाददाता
वैशाख १५, २०७९
Help to uniond

म्याग्दी । म्याग्दीका पत्रकार धनीलाल गर्बुजाले आफ्नो जन्मदिनको अवसरमा प्रेस युनियन म्याग्दीलाई आर्थिक सहयोग गरेका छन् । बुधबार परेको जन्मदिनको अवसरमा गर्बुजाले प्रेस युनियन म्याग्दीले स्थापना गरेको अक्षयकोषलाई १० हजार रुपैयाँ सहयोग गरेका हुन् ।
उनले प्रेस युनियन म्याग्दीका सभापति राकेश शर्मा र सचिव साधन राम्जालीलाई रकम हस्तान्तरण गरे । जन्मदिनको अवसरमा हुने फजुल खर्चलाई जोगाएर पत्रकारलाई सहयोग पुगोस् भन्ने उद्देश्यले सहयोग गरिएको पत्रकार गर्बुजाले बताए ।
म्याग्दी न्युज डटकममा आबद्ध गर्बुजा प्रेस युनियन म्याग्दीका उपाध्यक्ष र नेपाल आदिबासी जनजाति पत्रकार महासंघ (फोनिज) म्याग्दीका कोषाध्यक्ष हुन् । म्याग्दीमा क्रियाशील पत्रकारहरुको आपतकालीन सहयोगको लािग निर्माण गरिएको ५ लाखको अक्षयकोषलाई हाल अस्ट्रेलियामा रहेका प्रेस युनियन म्याग्दीका पूर्व सभापति गोपाल छन्त्यालले २० हजार र नेपाल पत्रकार महासंघ म्याग्दीका उपाध्यक्ष हरिकृष्ण गौतमले १०हजार रुपैयाँ सहयोग गरेको सचिव राम्जालीले जानकारी दिए ।

Related News

सम्बन्धित समाचार

hero news full width