पोखरा । पोखरा ९ नयाँबजारस्थित पोखरा बचत तथा ऋण सहकारी संस्था लिमिटेडले २०औं स्थापना दिवस मनाएको छ । संस्थाले पोखरा २५, हेमजास्थित मानवसेवा आश्रमलाई २५ हजार रुपैयाँ सहयोग गरेको छ ।

संस्थाका उपाध्यक्ष शम्भुराज बास्तोलाले सोमबार आश्रम परिसरमा आयोजित समारोहबीच आश्रमका सञ्चालक रकम हस्तान्तरण गरे ।

संस्थाको वार्षिकोत्सवको अवसरमा परोपकारी संस्था मानवसेवा आश्रमलाई सहयोग गर्न पाउँदा खुसी लागेको बताए । कार्यक्रममा संस्थाका सदस्य, कर्मचारीलगायत सञ्चालक एवं सल्लाहकारको साथै आश्रमका सञ्चालकलगायत उपस्थित थिए ।

२०५९ साल वैशाख १२ गते स्थापित संस्थाका ४ हजारभन्दा बढी सेयर सदस्य छन् । कुल १० करोड ४८ लाख सेयर पुँजी रहेको सहकारीले आव २०७७/०७८ मा २ करोड २९ लाख ६३ हजार खूद मुनाफा आर्जन गर्न सफल भएकोे संस्थाका कोषाध्यक्ष हिरामणि दाहालले बताए ।

पोखरा ९ नयाँबजारमा प्रधान कार्यालय रहेको सहकारीले पोखरा ८, सिर्जनाचोक र अमरसिंहचोक सेवाकेन्द्रबाट समेत वित्तीय सेवाहरु प्रदान गर्दै आएको छ ।