निर्माण सामग्रीको मूल्यवृद्धिविरुद्ध धर्ना

आदर्श समाज सम्वाददाता
वैशाख १४, २०७९
Andolan rupnarayans

पोखरा । निर्माण सामग्रीमा भएको मूल्यवृद्धि समायोजन गर्न माग गर्दै गण्डकी प्रदेश निर्माण व्यवसायी संघ पोखरा र संस्थाको कास्की जिल्ला समिति आन्दोलन जारी राखेको छ । उनीहरुले मंगलबार प्रदेश प्रमुखको कार्यालय अगाडि र जिल्ला प्रशासन कार्यालय अघिल्तिर १ घण्टा धर्ना दिए ।

नेपाल निर्माण व्यवसायी महासंघको केन्द्रीय समितिले घोषणा गरेको कन्स्ट्रक्सन होलिडेका कार्यक्रमअन्तर्गत प्रदेश र जिल्लास्तरबाट निर्माण व्यवसायीले बिहान ११ बजेबाट १२ बजेसम्म धर्ना दिएको संस्थाको कास्की जिल्ला कमिटी अध्यक्ष लीलकाजी गुरुङले जानकारी दिए । यस्तो कार्यक्रम बुधबार पनि सातै प्रदेशमा हुने र अर्को परिपत्र नभएसम्म यी कार्यक्रम निरन्तर रहने उनले जानकारी दिए ।

धर्नाका अवसरमा मूल्यवृद्धि समायोजन मार्गदर्शन–२ जारी गर्न, बिमा निर्देशिका–२०७८ र बिमा सिन्डिकेट तुरुन्त खारेज गर्न, भुक्तानी हुन बाँकी रकम भुक्तानी गर्न, ११ औं संशोधनका त्रुटि सच्याउन माग गरिएको छ । यसैगरी सार्वजनिक खरिद नियमावलीको नियम ६ को व्यवस्था कडाइ साथ लागु गर्न पनि आफूहरुले माग गरेको प्रदेश कमिटी अध्यक्ष टंकराज बरालले जानकारी दिए ।

कन्स्ट्रक्सन होलिडे, हाम्रो बाध्यता हो, निर्माण व्यवसायी एकता जिन्दावाद, हामी राज्यका विरोधी होइनौं, राज्यका सारथि हौं, एकपक्षीयरुपमा निर्माण व्यवसायीलाई मात्र दोष दिने काम बन्द गर, तोकिएको गुणस्तर र समयमा निर्माण हाम्रो प्रतिबद्धता र स्वदेश निर्माण कम्पनीको संरक्षण गर जस्ता नारा लेखिएका प्लेकार्ड पनि सहभागीले धर्नामा बोकेका थिए ।

केही महिनादेखि पेट्रोल, डिजल, विटुमिन, ग्यास, फलामजन्य निर्माण सामग्री–छड, ग्याबिन तार, पाता, आइरन ब्लेड लगायत निर्माणक्रममा आवश्यक विभिन्न सामग्रीमा अप्रत्यासित र अत्यधिक मूल्यवृद्धि भएको र यस्तो मूल्यवृद्धिको सम्बोधन नभएसम्म निर्माण व्यवसायीले निर्माण कार्य संचालन गर्न नसक्ने महासंघले जनाएको छ । महासंघका महासचिव रोशन दाहालले जारी गरेको परिपत्रमा यही वैशाख ११ गतेबाट कन्स्ट्रक्सन होलिडे लागु गरिएको र माग सम्बोधन नभएसम्म अत्यावश्यक निर्माणका काम बाहेक अरु निर्माण कार्य बन्द रहने उल्लेख छ ।

Related News

सम्बन्धित समाचार

  • आलु महोत्सवमा पशुबाली स्वास्थ्य शिविर

    आदर्श समाज सम्वाददाता वैशाख १, २०८१
    पोखरा । १२ औं राष्ट्रिय हेमजा आलु महोत्सव अन्तर्गत शुक्रबार बाली तथा पशु स्वास्थ्य शिविर भएको छ । कृषि अनुसन्धान…
  • आलु महोत्सवमा दर्शक सहभागिता बढ्दो

    आदर्श समाज सम्वाददाता चैत्र २७, २०८०
    पोखरा । १२ औं राष्ट्रिय हेमजा आलु महोत्सवमा दिनप्रतिदिन दर्शक सहभागिता बढ्दै गएको छ । महोत्सवको तेस्रो दिन मंगलवार मात्रै १०…
  • ‘आलु महोत्सव किसानको चाड’

    आदर्श समाज सम्वाददाता चैत्र २६, २०८०
    पोखरा । राष्ट्रिय हेमजा आलु महोत्सवको १२ औं संस्करण आइतबारदेखि सुरु भएको छ । ‘सुन्दर ठाउँ हेमजा जाऊँः आलुका स्वादिष्ट…
  • अम्रिसोले बजारभाउ पाएन

    रामकुमार श्रेष्ठ चैत्र २४, २०८०
    नवलपरासी । झट्ट हेर्दा चिया बगानजस्तै भएका छन्, नवलुरका अधिकांश डाँडा । नांगोडाँडा हरियो बनाउन, भूक्षय, बाढीपहिरो रोक्न र स्थानीयका…
  • लमजुङ महोत्सवसँगै भ्रमण वर्ष घोषणा

    आदर्श समाज सम्वाददाता चैत्र २४, २०८०
    लमजुङ । आठौं लमजुङ महोत्सवका साथमा लमजुङ भ्रमणवर्ष २०८१ सुरु भएको छ । महोत्सव राष्ट्रपति रामचन्द्र पौडेलले उद्घाटन गरे ।…

hero news full width

trending post

ट्रेन्डिङ्ग