ऐतिहासिक छाउदी मेलामा खेलकुद

आदर्श समाज सम्वाददाता
वैशाख १०, २०७९
Khinchok 1

लमजुङ । लमजुङमा लाग्ने ऐतिहासिक छाउदी मेलामा विविध खेलकुद प्रतियोगिता गरिएको छ । दोर्दी गाँउपालिका ८ खिन्चोकमा आयोजित ऐतिहासिक छाउदी मेला २०७८ का अवसरमा खुला फुटबल, मैत्रीपूर्ण फुटबल, छेलो प्रतियोगिता गरिएको हो । मेलाका साथमा सबै खेलको समापनका साथमा पुरस्कार वितरण गरिएको छ ।

खुला फुटबल प्रतियोगितामा २७ टिमले भाग लिएका थिए । उक्त प्रतियोगिताको फाइनल खेलमा खिन्चोक एफसी टिम विजयी भएको छ । खिन्चोक एफसी र छ्याङ्दी बराह युवा क्लबबीच भएको फाइनल खेलमा १ का विरुद्ध ४ गोल गर्दै खिन्चोक एफ सी विजयी भएको हो । प्रतियोगिताको विजेता खिन्चोकले प्रथम पुरस्कार नगद १ लाख ५० हजार, मेडल र प्रमाण पत्र प्राप्त ग¥यो । उपविजेता टिमलाई नगद ८० हजार, मेडल र प्रमाण प्रदान गरिएको आयोजक क्लबका सचिव खेम घलेले बताए । उनकाअनुसार सेमिफाइनलमा पुगेका टिमलाई नगद १० हजारका दरले पुरस्कार प्रदान गरिएको छ । उनले भने, ‘उत्कृष्ट खेलाडी र सर्वाधिक गोलकर्तालाई नगद ५/५ हजार, मेडल र प्रमाणपत्र प्रदान गरिएको छ ।’

यसैगरी, सोही मेलाको अवसरमा दोर्दी शिक्षक संघ र दुवार एफ सी बीच भएको मैत्रीपूर्ण फुटबल खेलमा ०–१ गोल गरी शिक्षक संघ विजयी भयो । विजेता टिमलाई पुरस्कार स्वरुप खसी प्रदान गरिएको छ ।

त्यस्तै मेलाकै अवसरमा आयोजित छेलो प्रतियोगितामा दूधपोखरीका पूर्णबहादुर तामाङ प्रथम तथा देर्दी गाउँपालिका– ६ का मनोज घले द्वितीय भएका छन् । उक्त प्रतियोगितामा ३४ जनाले भाग लिएका थिए ।

मेलाको समापन तथा पुरस्कार वितरण कार्यक्रममा नेपाली कांग्रेस दोर्दी गाउँपालिका सभापति बिच्छबहादुर घले, दोर्दी ८ का वडा अध्यक्ष तुलबहादुर घले, ७ का वडाअध्यक्ष प्रेमबहादुर गुरुङ र आयोजक क्लबका अध्यक्ष कन्यबहादुर गुरुङले संयुक्त रुपमा पुरस्कार र प्रमाणपत्र वितरण गरेका थिए ।

आयोजक क्लबका अध्यक्ष कन्यबहादुर गुरुङको अध्यक्षतामा भएको कार्यक्रममा क्लबका वरिष्ठ सल्लाहकार सिंहबहादुर घलले स्वागत तथा सचिव खेम घलेको सञ्चालन गरेका थिए ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width